تعجبت
حينما نظرت اليها
ووجدتها وقد بسطت يديها الرقيقة اليه
وعيناها البريئتين تنظر فى حنان له
هل تدرك ما تفعله؟
هل يعى عقلها ان من يقف امامها ذئب ؟
كيف لا ينتفض جسدها النحيل رعباً؟
من أين جاءت بهذه الشجاعة؟
ماذا تقول عيناها له ؟
وماذا تريد يداها منه؟
الا تخشى من تلك الأنياب التى يخفيها ببراعة ؟
ورائحة الغدر المنبعثة من انفاسه
وبريق عيناه وهو ينظر اليها فى مكر
ايتها الرقيقة الصغيرة
إحترسى
هو ذئب
وسيبقى ذئباً
فلا تحاولى الإقتراب منه
إلا حينما ترتدين قناع ذئباً مثله
23/02/2010
23/02/2010
هناك 26 تعليقًا:
حبيبتي مس فينوس
كلامك ماشاء الله عليه حلو جدا معبر ومؤثر
بس تعرفي ان كانت مش شايفه حقيقته فده علشان دايما اللي بيحب حد عمرة مابيشوف اي عيب في حبيبه ودايما بتكون لحظات الضعف قدامه....
تسلمي علي كلامك الرقيق وكل الحب والتوفيق
حقيقي وكما قيل لا يفل الحديد الا الحديد
ولا يتعامل مع الذئب الا ذئب مثله والا التهمة وهذا ما يحدث الان في عالمنا
كالعادة الصياغة بديعة فعلا تحياتي
فكرتينى بأيام زمان اوى....لما كانت جدتى بتحكيلى قصة ذات الرداء الاحمر
طبعا فهمت مغزى كلامك بس مهما ارتدت قناع ذئب لن تكون مثل الذئب الاصلى لان الطبع يغلب التطبع
تحياتي
تقريبا زى لما نحب حد مش بنشوف عيوبه ولا بنشوفه وحش ولا بنشوف اى بنكره اى حاجة فيه ببساطة لاننا بنحبه رغم انه ممكن يكون واضح للكل انه انسان شىء وفى عيوبه مستحيل تجاهلها
اكيد البنت دى فى حاجة مخلياها متشوفش الانياب وتبعد عنه او يمكن اصلا متعرفش ومشافتش ومسمعتش عن الذئب بس لما تقرب المرة الجاية هتبعد
جميله الصوره وجميل رؤيتك ليها
بس ليا رؤية تانيه اسمحيلى
انت تعجبت من انها مدا ايديها الرقيه والنظره الحانيه فى عنيها يمكن هى شايفه
اللى احنا مش شايفينه احيانا الصوره بتكون اؤدمنا بشكل مرعب لكن لماتقربى تشوفى اللى ماحدش قدر يشوفه او يفسره
احنا شايفينه ذئب مجرد ذئب لكن موقفها
ووضعها هى ماخليها تشوفه بوضح اكتر الحركه اللى هى فيها لا حركه خوف ولا دفاع عن النفس ولا رجاء دى حركه عطف وتقرب
كتير بنكون خايفين لدرجه الرعب من شىء
والحقيقه هو بيبقى ابسط من كده ومايخوفش
ماعرفش يمكن رؤيتى تكون غلط بس انا شايفه الجميله والذئب زى الجميله والوحش كده ههههههههه
تسلمى على البوست تقبلى مرورى
اعتقد يافينوس انك تقصدى الذئاب البشريه لانها هى اللى بتبقى متخفيه وموش بنعرف نشوفها لانها قادره على انها تخدعنا
اما الذئاب الحقيقيه فصريحه جدا وموش بتدارى غدرها
تصويرك للحاله دى جميل جدا
تسلم افكارك
على مااتذكر ان دا فى النواحى الجماليه اسمه توريه
والمعنى فى بطن الست فينوس
حبيبتى فينوس ..
جميله القصه والاجمل المعنى الموجود بيها
كتير جدا بنخدع في ناس بنقرب منهم وبنكون مفكرين انهم كويسين وبعدين نكتشف الحقيقه
وبيكون احساس صعب
تسلم ايدك ياقمرايه
يعني بعد البنت ما كلت الذئب بئت ملاك؟
يا عيني علينا
داحنا غلابة
جايز تكون البنت انخدعت بنظرة الانكسار اللى فى عيون الذئب (الخداع)
ومش لازم يكون الذئب كنايه عن الرجل
للاسف اقنعه الذئاب بقت بتتلبس لكل انواع البشر.
وحشتينى يا سانوو وبجد وحشنى الكلام معاكى.
نعم هو ذئب وسيبقي هو ذئب
لكنه هو فقط
ليس كل ما يعيشون فوق ارض النور ذئاب هذه الارض تحوى كل الانواع
وعليكى ان تختاري
كلامك جميل بجد
تسلم ايدك
حاسس بيكى
اصلى جوزائي
ههههههههههههه
يافينوس يا اختي ياما واجهنا ذئاب ومجرميين وبرضة لم نرتدي اقنعة ذئاب....يمكن البراءة اللي فيها البنت دي تخلى الذئب يحس على دمه ومايتهورويحط في عينه حصوة ملح ...اما اذا ارتدت قناع فاكيد ده حيشجع الديب على الهجوم ...حكاياتك دي عاملة زي ناس كتيير عندنا كل ما تلبس اقنعة بتبان عريانة اكتر
احيانا بيتخفى قدامنا البعض لنراهم بصوره هم ليسوا عليها
هكذا حالنا ... اقنعه
تسلمى على كلماتك ووصفك الرائع
الطير العاشق
معاكى حق اللى بيحب مش بيشوف عيوب حبيبه
نورتينى واسعدنى وجودك كتير
تحيتى ومودتى
محمود
لا يفل الحديد الا الحديد
مثل صحيح جدا
اشكرك على وجودك اللى دايما بيسعدنى
تحية واحترام ليك
تيرز
صحيح الطبع يغلب التطبع
ومهما حاولت تلك الصغيرة ارتداء القناع فلن تتحول الى ذئب
وجودك فى مدونتى فعلا بيسعدنى
تحيتى ومودتى ليكى واحترامى لفكرك
star in the sky
ناس كتير لابسين نضارات سودا فى حياتهم
ومش شايفين كويس
وللأسف مش بيعرفوا الحقيقة غير بعد ما يتألموا او يتعبوا
تحية ليكى عزيزتى
richardCatheart
وجهة نظرك صحيحة وبتحصل كتير فعلا
مش بنشوف الحقيقة كتير غير لما بنقرب اوى
وقتها بنكتشف ان اللى شوفناه عكس الظاهر
تحية واحترام لوجودك اللى اسعدنى كتير
سكرة
معاكى حق وفى ناس كتير بتبقى اخطر على الانسان من الذئاب المفترسة
وجايز كمان يكون الذئب متمثل فى فكر خبيث
سعيدة بوجودك عزيزتى
وردة لعيونك
اميرة الاحلام
تسلمى انتى يا قمر على وجودك الرقيق اللى بيسعدنى اوى
وردة لقلبك الجميل
مصرى جدا
محدش عارف مين اكل مين
منورنى دايما يا مستر هانى
روعة حبيبتى
وحشتينى بجد ونفسى اتكلم معاكى بس مش عارفة اوصلك
بفرح اوى لما بلاقيكى هنا
لا تشتاق
ليس كل ما يعيشون فوق ارض النور ذئاب هذه الارض تحوى كل الانواع
حقيقى
كلامك صح جدا
اسعدنى وجودك وزيارتك الاولى واتمنى انها متكونش الاخيرة
تحية ليك
تراكيب
ناس كتيير عندنا كل ما تلبس اقنعة بتبان عريانة اكتر
صح صح صح
كلام صحيح جدا
اشكرك لوجودك بيسعدنى كتير
تحية واحترام ليك
عايش ولكن
نعم اصبحنا فى زمن الاقنعة
تحية ليك واشكرك على وجودك الكريم
رقيقه القلب فينوس
مااكثر الذئاب الان
لنا الله وكل الحزر حبيبتى
دام جمال ورقه قلمك
لكى منى كل الحب والود
رقة الندى
بيسعدنى دايما وجودك الرقيق حبيبتى
ربنا يسعد ايامك دايما
إرسال تعليق