السبت، يناير 12، 2019


اللي يحب مقابلتك .. واعدُه واللي يحاول يخسرك .. ساعدُه واللي تلاقيه في الشدة بيباعد.. زود كمان .. زود كمان زود كمان .. بُعدين على بُعدُه ......... و افتح عينيك في الحضن لو بارد الحِرص مش تخوين و بيساعد ما انت اللي حضنك من زمان مخلوق .. من ناس بتغدًر قبل ماتواعد .... للي يحب مقابلتك .. واعدُه واللي يحاول يخسرك .. ساعدُه واللي تلاقيه في الشدة بيباعد.. زود كمان .. زود كمان زود كمان .. بُعدين على بُعدُه

الجمعة، يناير 11، 2019

المحبة والقسوة لا يجتمعان 

مستحيل تلاقى انسان بيحبك بجد يكون قاسى عليك 
مستحيل يهون عليه زعلك وألمك
لو حس بيك زعلان او تعبان لازم هيعمل اى شىء علشان يهون ويخفف عليك
مفيش اى ظروف هتقدر تمنعه يبقى جنبك ومعاك
هو مش بيقصد يعمل معاك كده دى المحبة اللى جوة قلبه هى اللى بتحركه

الانسان اللى بيهون عليه تعبك ووجعك وزعلك خليك واثق انك مش غالى عنده
خليك واثق ان ملكش  مكان جواه 

المحبة الحقيقية بتبان بالمواقف مش بالكلام 

الثلاثاء، يناير 08، 2019

يقول نزار قبانى عليك أن تتعايش مع فكرة أنك قابل للترك وقابل للنسيان، في كل مرة تظن انك ثمين لدى أحدهم...
وقفت كتير قدام الجملة دى وعلى الرغم من انها تبدو بسيطة لكن حقيقى هى لخصت جزء كبير جدا من المشاعر السلبية والصدمات اللى بتعانى منها الانسانية

انك تبقى مؤمن بشىء او مصدقه جدا والايام والمواقف تصدمك بعكسه وقتها بتبقى المشكلة الاساسية والجحيم بذاته انك مش قادر تصدق ..!!
وتضيع فى دوامة الاسئلة اللى جواك " ليه ؟ ازاى ده ؟ معقول ده يحصل ؟ "

التوقع الدائم ان كل شىء واى شىء ممكن يحصل هو صمام الامان علشان نقدر نعيش فى الدنيا دى


الخميس، يناير 03، 2019


المسألة في الحب، ليس فقط أنه يجعل الإنسان سعيدا.. هذا تبسيط مضلل.. الحقيقة أن الحب ينهي كل أسئلة الإنسان تجاه نفسه.. القلق بشأن المظهر .. انعدام الثقة بالنفس.. النظرة الدونية للذات.. العلاقة المرتبكة مع الجسد.. الخ.. كل حفر الروح المؤلمة هذه يردمها الحب كأن لم تكن.. يردمها ويجعل أرضية القلب خضراء وجاهزة لاستقبال أي سعادة.. فترى العاشق يفرحه أي شيء بسيط.. ولو زقزقة عصفور أو لعب طفل.. أو حتى الفراغ.. يفرحه الفراغ.. لذلك، عندما تعبث بقلب إنسان بدعوى الحب، وتدخله تلك الجنة الوهمية ثم تخرجه منها فجأة.. فالموضوع أكبر من حزن عابر.. هو لا يصبح حزينا.. هذا أيضا تبسيط مخل!! ما يحدث حقيقة أن كل الحفر القديمة في نفسه تعود لتظهر مرة أخرى ومضخمة عشرات المرات هذه المرة!! يعود قلقه ونظرته الدونية لنفسه.. وأسئلته التي تؤلمه.. كل هذا يعود وبزخم أكبر..
الحياة.. كل الحياة .. تدور حول أن يحبك شخص واحد فقط.. تكتفي به ويكتفي بك.. لذلك لو لم تكن ترى في الشخص المقابل اختيارا مناسبا ودائما فلا داعي حقيقة للعبث بالناس..

ديك الجن (عبد السلام بن رغبان)

الأربعاء، ديسمبر 26، 2018

الاثنين، ديسمبر 24، 2018

مسموح تقول انا تعبت ؟ انا تعبت ؟

مسموح ؟ 
طب وبعد ما تقول ايه اللى هيحصل ؟

هيروح التعب ؟ هترتاح ؟ هتعرف تتنفس ؟ دموعك هتنشف ؟ الوجع اللى جواك هيهدى ؟

قولت انا تعبت بصوت عالى  . صرخت بعزم ما فيك ؟ ها وبعدين ؟

انت زى ما انت ومفيش حاجة اتغيرت . دموعك مش هتنشف والالم هيفضل مكلبش فيك 

الجمعة، ديسمبر 21، 2018

ساعات كتير مش بنبقى محتاجين حد يسمعنا لاننا اصلا مش عاوزين نحكى ولا نتكلم
بنبقى بس عاوزين حد نبكى واحنا معاه من غير اى خجل ومن غير ما يسألنا حتى ليه 
بس مجرد نبكى 

الخميس، ديسمبر 20، 2018