السبت، مايو 05، 2012

مش عارفة اقولكم ايه


لو وصفت اد ايه فرحانة بسؤالكم الجميل والرقيق عنى

مش هقدر اعبر


 عاوزة اشكر بجد من قلبى

كل اخواتى اللى سألوا عنى


من قلبى شكر ومحبة
 
وعلى اد ما انا فرحانة فأنا بردو مكسوفة

لانى بعيدة عن مدونتى وعنكم

صدقونى مش عارفة ايه السبب

حالة غريبة مخليانى بعيدة عن اى حاجة بحبها

حاسة بغربة حتى عن نفسى

جايز من الحال العام

مش عارفة

لكن اللى متأكدة منه انى نفسى ارجع تانى بينكم

نفسى بجد ارجع تانى لـ فينوس

حقيقى وحشتونى 

ومدوناتكم  وكتاباتكم وحشتنى اوى

الثلاثاء، فبراير 07، 2012

مش كفاية ؟


يا ترى شبعتى دم ولا لسه يا بلدى

:(


رسم للفنان المصرى فريد فاضل

عن شهيد ميدان التحرير

والأم أم مصرية تلتقط روحه قبل صعودها للسماء

الأربعاء، فبراير 01، 2012

تحية للمجلس العسكرى


ايوة تحية ليهم

مش تستغربوا

فقد تفوقوا على اسرائيل و بجدارة

اسرائيل نفسها لا تقتل شعبها

عرفتوا ازاى تفوقوا عليها ؟؟ !!

يسـقط يسـقط حكم العســكر

الخميس، يناير 19، 2012

احياناً


احياناً

يسجن الأنسان داخل " حلمه "

فلا يستطيع ان " يحققه "

ولا يستطيع ان " يحطمه "


وينطلق ...



ـــــــــــــــــــــــــ



وحشتونى جدا جدا

ومن قلبى بشكركم حقيقى على سؤالكم الرقيق والجميل عنى


انا بخير الحمد لله

سامحونى على غيابى وتقصيرى

وان شاء الله مش هغيب تانى


" بحبكم "