يعنى ايه تكون انسان ومتحسش بغيرك ؟
يعنى ايه تعيش ظالم ومعاند ضميرك ؟
يعنى ايه تشوف الحق وتغمض عنه عينك ؟
يعنى ايه تفرح وتضحك على جرح غيرك ؟
يعنى ايه تعيش انانى ؟
تقول انا ومحدش تانى ؟
يعنى ايه تفكر ان انت بس اللى صح
يعنى ايه تلاقى الف عذر لأى جرح ؟
يعنى ايه تقول ان الغلط هو اللى صح؟
لا استنى هنا واسمعها بقى منى
انت انسان وانا زيك كمان انسان
عايش فى امان وانا كمان عاوز الامان
انا مش اقل منك
انا مش اضعف منك
انا بس ساكت وصابر ومتحمل الأذية
علشان بحبك
و
لانك فى النهاية
اخويا فى الانسانية
ع الهامش
كانوا بيقولوا لينا الساكت عن الحق شيطان اخرس
دلوقتى الشيطان بقى احول
بيشوف الحق بشكل تانى خالص