الخميس، مارس 10، 2011

story pain ... عندما يتحدث الضمير والإحساس



عينى دمعت وانا بقراء ردها على البوست اللى فات بتاعى

حسيت بإحساس صعب اوصفه

غير انى عاوزة اعيد نشر الرد فى بوست

حذف
Blogger Story pain يقول...

كل طرقة استشعرتها كما لو انها تهدم مسجد..فكما أصابت الكنيسة اصابت قلبى وقلوب المسلمين..يعلم الله اننا ندعو الله ونلجأ اليه ان يحميكم ويحفظكم ويحقن دماءكم وندعو على أولئك الذين لايعرفون عن الاسلام شيئا أن ينتقم الله منهم ويجعل ثأرهم فى نحورهم

لم يعد الصبر جميل لم نعد نتحمل دماءكم التى تسيل ودموعكم التى تبكى ضحاياكم

اذا كانوا يريدون احداث الفتنة بيننا فلماذا تدفعون وحدكم الثمن..ليتها لم تكن كنيسة وليت الضحايا جميعهم مسلمون..فانا لم أعد اتحمل ما يحدث لكم
دماؤكم دماؤنا..ومقدساتكم مقدساتنا فحسبنا الله ونعم الوكيل.

تذكر يا كل من يصيب مسيحيا بأى أذى اننا لسنا فقط من نتوعد لك بل ان الرسول صلى الله عليه وسلم توعد لك فقال( "من آذى ذميا فأنا خصمه، ومن كنت خصمه خصمته يوم القيامة".
وقال أيضا("من قتل معاهدا لم يرح رائحة الجنة، وإن ريحها لتوجد من مسيرة أربعين عاما
عزائى لك حبيبتى ولك مصرى
ادام الله محبتنا واخوتنا


وردها على بونيتا

حذف
Blogger Story pain يقول...

Boneta

وانا اشاهد الفيديو سألت نفسي الاسئلة دى..ايه الناس دى وازاى بيقولوا الله اكبر وهما بيهدموا الكنيسة وصلاة ايه اللى هيصلوها وفى سؤال مهم جدا لازم اعرف اجابته هو كان فى امام مسجد موجود فى الوقت ده وبيهدم الكنيسة والمفروض انه معروف ولسه ماتعدمش فى ميدان عام ..كان فين الناس وقت الهدم واقفين يتفرجوا وفين الجيش...اما باه عن شيخ الازهر فنحن كمسلمين لا ننتظر منه ان يتحدث وهو لا يمثل المسلمين فى مصر لكن فى رموز اسلامية كتير اتكلمت ومش هتسكت
بس خلاص احنا تعبنا من الكلام علشان كده انا مش هقولك أخوة ونسيج واحد
انا وكل مسلم فاهم دينه صح وكل مصرى هتلائينا معاكم فعلا وليس قولا
لو بصيتى فى اي مظاهرة هتلائينا وافقين جنبك وبنهتف معاكى وزيك برده مش هنرتاح غير لما يتحاكم المجرمين اللى عملوا كده

ولان كلامنا عن الاخوة باه مستفز ومابيعملش حاجه ورغم انه صادق ماعدش من المكم وحزنكم بيوصل لقلوبكم اتمنى اننا كمسلمين نثبتلكم فعلا انكم اخواتنا وان مافيش فرق بينا وبينكم

يارب نقدر نعمل حاجة نرجعلكم حقوقكم ونحميكم ...يارب احميكم واحفظكم


story

صدقينى مش عارفة اقولك ايه

بس انسانة عندها ضمير زيك صعب ان لسانى البسيط يقدر يشكرها
حذف




هناك 7 تعليقات:

لـــولا وزهـــراء يقول...

فينوس

عاوزه اقولك على حاجه الاخوات مش بيكون بينهم شكر احنا كلنا فى الاخر اخوات فى مصر....

من شويه كنت اتحدث مع صديقه وباحكى لها ان لما اللجان الشعبيه كانت موجوده فى الشارع كانت الكنيسه كل يوم تطلع لهم عشا وبصراحه العيش الفينو بتاعهم كبير وشكله حلو وكان نفسى وانا فى البلكونه اقولهم هاتوا رغيف بس كنت باتكسف ردت عليا الصديقه وقالت وانتى هتاكلى من عيش اتخبز فى الكنيسه قولت لها وهى ايه المشكله عادى جدا استغربت البنت من كلامى وقالت مش كل الناس بتفكر كده قولت لها لو كنتى عشيتى يوم معنا وشوفتى ازاى احنا مافيش بين مسلم ومسيحى فى عز الازمه كنتى هتعرفى اننا واحد مافيش فرق بينا هو بيصلى فى الكنسيه والتانى بيصلى فى الجامع وفى الاخر كلنا بندعى ربنا وفى الاخر دى بلدنا مصر للاسف اللى عايشين بره مش حاسين بكده وكمان فى ناس غرضها انها تعمل فتنه وربنا قادر عليهم وقادر يورينا عجائب قدرته فيمن يشعلون نار الفتنه

انا عارفه ان كلامى بسيط جدا وممكن تقولى انه تافه لكن بجد وهافضل اقولها اننا مش بنفرق فى المعامله بين المسلم والمسيحى لاننا فى الاخر كلنا اخوات فى الانسانيه وكلنا يهمنا بلدنا مصر

رغيت كتير رغم ان عندى كلام كتيييييييييير اوى

اشوفك على خير يا ارق فينوس


اجمل باقة ورد لعيونك

زهراء

Mona يقول...

تأكدى يافينوس إن العدالة موجودة وقد عبرت صديقتك عن مايدور فى عقولنا وقلبنا جميعا - وكما لا نرضى الأذى لنفسنا لا نرضى الأذى لغيرنا -

تحياتى ياجميلة

شيرين سامي يقول...

الحل في العداله و العقاب الرادع لازم الجيش يتحرك عشان يعيد الأمان أنا كنت ببكي لما زوجي رجع من طريق صلاح سالم و قالي مصر هتتحرق الناس بتموت بعض المسلمين حد بلغهم ان المسيحين هيكسروا مسجد و خاطفين بنات محجبات و المسيحين حد بلغهم ان المسلمين هيكسروا كنيسه بجد أنا مش عارفه مين اللي بيعمل كده فينا و في الوقت ده بالذات
ربنا يلطف بينا و يعديها على خير و المجرم يا خد جزاءه و الكنيسه تتبني من تاني.
تحياتي فينوس

Boneta يقول...

story pain
كلامك حبيبتي وصلني وحسيت بيه جدا ودمعت عيني وانا بقراه وانا متفهمه تماما ان فيه كتير غيرك لسه عندهم ضمــير لان اللي بيحصل ده مش محتاج دين علشان نجرمه ده محتاج ضمير انساني لسه صاحي عند الناس .
شيخ الجامع اللي بتسألي عليه بيستضيفوه علي التليفون في البرامج وكأنه مش مجرم ويستحق الاعدام رميا بالرصاص لانه حــرض وساعد في هدم كنيستنا وكانهم بيطلعولنا لسانهم وبيقولو لنا هو كده وان كان عاجبكم .
هي دي بلدك المحترمه اللي بتدعي انها صاحبه الاغلبيه المؤمنه
تصدقي بايه الواحد لو كان عايش في وسط عالم كفره بالفعل او ملحدين ما يعرفوش يعني ايه ربنا مش كنا شوفنا منهم كل الهمجيه والبشاعه دي .
شيء مفزع فعـلا لكن احنا مستمرين في ثقتنا في الهنا (اله المحبه) انه هايدافع عننا واحنا صامتين
هو وعدنا بكده واحنا منتظرينه وواثقين انه صادق حتي ولو تأني لكن غضبه مخيف علي كل ظالم .
اشكرك علي صراحتك وضميرك اليقظ اللي مش موجود عند ناس كتير انهارده .
تحياتي لك وللجميع.

♥نبع الغرام♥♪≈ يقول...

البعد مش حل حبيبتى
لاذم كلنا نقف مع بعض ونواجه

يارب تكونى بخيررررررررررررررررررررررررررررر

محب روفائيل يقول...

ليس ما يفعل هذه الموبقات من أخوتنا المسلمين الا من هاتين الطائفتين : -
1 - طائفة المتطرفين
2 - طائفة من سهل تغييبهم

وواضح جدا أن بقية أخوتنا المسلمين كصديقتكم هذه والتى تستحق أعظم احترام .

مع تحياتى .

carmen يقول...

الدين لله والوطن للجميع واللي غلط ربنا سبحانه وتعالي له بالمرصاد
حفظكم ربي وايانا باذن الله