السبت، يناير 01، 2011

كلمة جوايا خنقانى


كلمة هقولها جوايا

عمالين تقولوا لااا ده مخطط من برة

دى ناس عاوزة تقلب مصر

هقولكم جملة واحدة بس

اللى عاوز يزرع قمح هل يقدر يزرعه فى ارض صخرية ؟

اظن كده المعنى وصل للناس العاقلة


يا اصحااب العقول والضمائر


حتى لو كان المخطط خارجى

لو كان لقى ارض صلبة وناس جوة قلبها مش مليان غل وحقد وكره

لاخواتهم اللى عايشين معاهم فى نفس الارض

مكانوش قدروا


لكن لان الارض صالحة لزرعهم

اديهم زرعوا الارهاب

وحصدوا دم الابرياء

هناك 23 تعليقًا:

amiralcafe يقول...

رغم الداء والاعداء سوف نصلي زنذهب الى المعابد لان الرب معنا
رؤف

Tears يقول...

ما ده اللى بنقوله يا فينوس بقالنا خمس سنين الداخلية همها تأمين النظام و النظام همه يلهى الناس فسايب التطرف و بيغذيه و بيحاول يرضى اسرائيل و بيديها الغاز اقل من سعره العالمى و لما خصل عندها حريقة ساعدها بينما مش بيساعدنا احنا

طول ما على رأس هذا النظام خاين و فاسد و حزب حرامية ح يفضلوا سايبين الطرف و سايبيين القوى الخراجية تعبث فى مقابل كراسيهم

سواح في ملك الله- يقول...

يافينوس
كلنا اتوجعنا من المشهد
مش المسيحيين بس
مسلم ومسيحي مصريين
وبياكلو نفس الاكل
ومشاكلهم واحدة
ده بيتعب في المواصلات
والتاني زيه

وحاجات كتير مشتركة
انا لله وانا اليه راجعون
انا من ساعتها
وانا مصدوم

شيرين سامي يقول...

عندك حق يا فينوس أنا متأكده ان في ناس جواها حقد و غل من اخوانهم بس مهما كان متوصلش انحنا نعمل كده فبعض و الحزن اللي أنا شايفاه في كل المسلمين حواليا بيأكدلي ان احنا اخوات بجد مهما كان أنا مش عارفه أقول حاجه من ساعة ما عرفت غير حسبي الله و نعم الوكيل حتى القصه اللي نشرتها نشرتها قبل ما أعرف الخبر المشؤم ده...ربنا معنا

جميله المصرى يقول...

السلام عليكم

والله يا فينوس عاوزه اقولك حاجه

الفقر والجوع والبطاله والحكومه الفاسده تقدر تخلى اصحاب النفوس الضعيفه يبيعوا ضمايرهم عشان مبالغ قليله ياعنى الجاسوس الى باع مصر كلها دى عشان 800 دولار فى الشهر ده مش باع اخواته بس يا فينوس ده باع كل مصر باع اخواته واهله واقاربه

يافينوس طول ما فى حكومه فاسده هيكون فى ضمائر ميته بتباع بأرخص الاسعار والموضوع خلاص مبقاش متعلق بالحب الى بيبيع مش بيشوف هو باع مين لا بيشوف هو قبض كام

احنا بقينا فى عصر الماده الاخ بقى بيقتل اخوه عشان ميه ولا متين جنيه

ربنا ينصر مصر ويحمى شعبها

وعذائى مره ثانيه

دمتى بكل خير

واتمنى ان كلامى مش يضايقك او يزعلك منى والله انا كان عندى كلام بس وحبيت اقوله

اختك جميله

Casper يقول...

بالتأكيد المصيبة كانت كبيرة
ومحدش فينا راضي عن اللى بيحصل ده

نفسي اعرف
مين ليه مصلحة في كده ؟!

_____

آخيرا بقول للي عملوا كده
حسبنا الله ونعم الوكيل

عشان اللى حصل ده كل اديان العالم بتحرمه

Boneta يقول...

فينوس
بعزي نفسي وبعزيكي انتي وكل اخواتي المسيحيين علي انتقال شهدائنا
وكل كلامك صح والكل متاكد وعارف ان المخطط واضح ومعروف مصدره للجميع لكن علشان في نسبه مختليين عقليا لابأس بها في الفقيده مصر ففي ناس بتحب تقلب الحقايق طالما الموضوع مش بيوجعهم

Boneta يقول...
أزال المؤلف هذا التعليق.
Boneta يقول...

هي كل مخططات الخارج مش بتتنفذ غير في المسيحيين؟يعني لا سمعنا ولا شوفناان اسرائيل فجرت لها كام مسجد او قتلت مصلين وهما بيصلوا الفجر مثلا مع ان كل خلافاتها ومشكله حياتها مع حماس الاسلاميه !! غريبه صح
واضح ان اسرائيل هي كمان عندها توخولف لا إرادي ):

الحــب الجميـــل يقول...

معاكى حق يا فينوس
والله الواحد حزين اوى ومش عارف يقول ايه
غير حسبى الله ونعم الوكيل
ومنهم لله اللى عملوا كدا

من خوفى على بنتى منزلتهاش المدرسه
شوفى لدرجة ايه ؟؟؟

كفايه بقا
حرام والله اللى بيعملوه فينا دا

(حلـم) يقول...

سلامتك من الخنق


وماعاش



مثل القمح مناسب


بس القمح وين مايطلع بردك في زوان


المشكلة في الزوان


المشكلة في الايادي


البنادق


الذمم

الضمائر

التربية


الماجورة


وليس في القمح


اقدر عاليا المك

وهو المنا ايضا


وجرحنا

ونزفنا


ومن قضوا هم

احبابنا

اخوننا

رفاقنا

اهلنا النشاما


لاتثريب على ذلك


اقسم انني اتالم كما انتي


بقول لاصوات الشماتة


كفاكم نعيق كالغربان


دعوكم من هرائكم ايها الاقزام


فبدلا ان تتهموا مصر والنظام


اسالوا انفسكم طالما انتم معارضة


اين انتم من الاتهام


وما1ذا فعلتم ؟؟
اصبحت اسرائيل في نظركم افضل من النظام كفاكم هراء عيب سمو المسميات بمسمياتها كفاكم فتنة


مصر ام الجميع

ولاتنطلي على ابنائها هذة المهاترات


مجرم من يقول مصر تغذي الارهاب

اواى نظام من انظمتها


مصر اكثر الدول التي تراجعت عن السباق بسبب تجنيد كل طاقتها في سبيل

القضاء على الارهاب


وشواهد التاريخ مازالت ترفع السبابة


ليس بوسع احد ان يقطعها

لانها ستقلع عينة


عاشت مصر وطن لكل المصرين

عاشت مصر
قوية بابناء المسيح وبنات العذرا


شجاعة بالاسلام والمسلمين


كريمة محروسة بكم جميعا


ياابناء النيل


ياابناء الصليب والهلال


هيا تكاتفوا توحدوا


المسلسل لم يتوقف


ولم يميز بين مسلم ومسيحي


الا بوحدتكم


عاشت مصرقوية ثائرة



الحب كلة لكي ايتها السيدة التي احببتكي مصر واحببتيها كما امك


و


لانك ثائرة على الدماء الطاهرةالتي سالت بدون ذنب

و

لانك تؤمنين بان الحب اقوى من الكراهية


انا احبك


احبك اكتر من نفسي


كيف لا؟


ونبيكم نبي الحب

Haytham Alsayes يقول...

ربنا معانا كلنا يافينوس
والاكيد المصاب مصاب مصر مش المسحيين بس ولا المسلمين بس
وزى ماقلتي بالظبط
انا معاكي فيه برضه
العامل الخارجي مش هيلاقي اي وسيلة في ضرب مصر الا لما يلاقي بيئة متوترة بين الجانبين
وناس متطرفة تستخدمهم اداة في كدة
حسبنا الله ونعم الوكيل
صبرا ان الفرج قريب باذن الله

richardCatheart يقول...

ازيك يا فيو يارب تكونى احسن

والله الواحد تعبان وقلبه جمره نار

الاول لازم نتفق ان اه الارض مش صلبه بس مش الارض اللى بين الناس القاعده الشعبيه
كويسه والكل عايش متعاش وناس كتير بتنسى اللى اؤدمها دا مسيحى ولا مسلم والكل ملهى فى همه واكل عيشه والسعى

الارض مش صلبه بس سياسيا واقتصاديا ودا كفيل انه يطلعلك مليون عميل نفسه مريضه مايفكرش غير فى نفسه

المره دى ماينفعش نقول الكره بنا لان دا مش موجودا اساسا لو موجود ما كانش الكل جرى يتبرع بدمه مسيحى ومسلم

اللى المتفجرات دى اتحطت اؤدام جامع فى وقت فى احتفلات ببدايه سنه جديده

والشباب المسلم والمسيحى بيسهرو اليله دى فى الشواره يحتفلو ويفرقعو صواريخ

ودا تقليد عندنا من زمان
وهايفضل ان شاء الله

ياعنى اللى عملها قاصد الكل
ودا كان المطلوب رد بقوه وعنف
على ايه كلنا عرفين

المره دى مش متفقهخ معاكى المره دى مالهاش دعوه باى كره او حب


ربنا يصبركم ويصبرنا على اللى راحو ويارب يستر على كل ولادنا

Shaimaa يقول...

Venus.....
محدش بيتمنى يموت أولاده قدامه يا فينوس مهما كانوا مسيحيين أو مسلمين ...طيب فى تربة خصبة للكره ةالحقد ليه يا فينوس؟ هنحقد على اخواتنا ليه ....ما كلنا عايشين فى نفس البلد وبنتعلم نفس التعليم ... نفس المستويات الاقتصادية المتفاوتة...

النظام مش يسرق البلد بايده أيوة ... يزور الانتخابات أكيد ...ينهب البلد ويسيبها سويقة ممكن .... بس ميسحمش لايد جاية من برة تخربه ... لأن ده مش من مصلحته ... هوه عايزنا دايما خاضعين مستسلمين .... لما تحصل كارثة زى كدة هنضربهم بالاجزمة ومش هنسكت .. يبقى يفتحوا نار جهنم عليهم ليه ؟
أنا عمرى ما دافعت عن النظام ... بس بكلمك بلغة العقل
النظام مش هيحب أن أيادى غريبة تدخل تخرب وتقتل وتخلى الناس تثور ...لأ ...هوه عايز الجو هادى دايما مهيأ للسرقة ...
خالص التعازى

Kontiki يقول...

الحقد و الغل و الكره نتيجة الغباء و الجهل و انعدام الامل و الامية و الفقر .

شهر زاد يقول...

فينوس الكلمة

الخونة في جميع الازمنة وفي جميع الشعوب موجودين علشان في ناس بتخدم مصالحهم الشخصية المريضة
وكل الديانات السماوية هي واضحة كل الوضوح في شأن هؤلاء
لانهم اشخاص فعلاا لا دين لهم
حسبي الله ونعم الوكيل

carmen يقول...

يافينوس اللي عمل كده لا له ملة ولا دين يبقي مش صح نقول هو بينتمي لديانة معينة لانه مايستحقش يتنسب لها

جميله المصرى يقول...

السلام عليكم

يقول...
فينوس
بعزي نفسي وبعزيكي انتي وكل اخواتي المسيحيين علي انتقال شهدائنا
وكل كلامك صح والكل متاكد وعارف ان المخطط واضح ومعروف مصدره للجميع لكن علشان في نسبه مختليين عقليا لابأس بها في الفقيده مصر ففي ناس بتحب تقلب الحقايق طالما الموضوع مش بيوجعهم


Boneta يقول...
هي كل مخططات الخارج مش بتتنفذ غير في المسيحيين؟يعني لا سمعنا ولا شوفناان اسرائيل فجرت لها كام مسجد او قتلت مصلين وهما بيصلوا الفجر مثلا مع ان كل خلافاتها ومشكله حياتها مع حماس الاسلاميه !! غريبه صح
واضح ان اسرائيل هي كمان عندها توخولف لا إرادي ):

ردا على كلامك اختى العزيزه

كل الى حصل ده بيوجعنا او بيوجعنى اذا كنت بتكلم عن نفسى بصفه شخصيه يا اختى الفاضله الى بيعوز يعمل فتنه بين اتنين هيأذى الاثنين ولا هيأذى واحد عشان الكل يقول اه ده التانى الى اذاه وبعدين من سنين وامريكا وأسرائيل عوزين يشعلوا الفتنه دى ويقولوا ان المسحين مطهدين فى مصر بأعتبار ان نسبه المسحين اقل ليه يا اختى نديهم الفرصه دى بأننا نحقق ليهم كل الى عوزينه يا اختى مصر فقدت واحد وعشرين شهيد ليه شايفه ان الالم بس فى المسحين ليه مش شايفه ان مصر كلها على وشك انها تدمر تقدرى تقولى ليا من امتى كان زمان فى بين المسحين والمسلمين فتنه وكره من امتى كنا بنفكر كده انا اعز صحبه ليا مسيحيه وعمرى ما فكرت انى انا مسلمه وهى مسيحيه بجد وحيات ربنا كلامك وجعنى جدااااااااا

ليه يا اختى نسيتى تفجيرات شرم الشيخ ليه نستى تفجيرات الازهر والحسين ليه نسيتى كل ده ولا هى امريكا نجحت بس فى انها تثبت وتزرع عندك فكره ان المسحين فعلا متهضين ... يا اختى فى ناس كتيرررر ليها مصالح ان يتقام فى مصر حرب اهليه زى لبنان والعراق والبوسنه والهرسج يا اختى دورى جنبك هتلاقى اكيد لكى جاره مسلمه ولا صحبه ولا حتى بقال بتحبى تشترى من عنده وفكرى كده صحبتك ولا جارتك ولا البقال هما دول الى بيكرهوكى ولا لا وساعتها بس هتعرفى ان شعب مصر بيحب بعضه مش زى ما الخارج عاوز يصور ان فيه تطرف دينى واضطهاد عنصرى

واخيرا بتمنى من كل قلبى متزعليش منى بس ربنا الى يعلم انا بكيت اد ايه امبارح اول ما فتحت التلفزيون وسمعت عن الخبر ده مفكرتش ان دول مسحين ولا مسلمين فكرت بس انهم مصرين اخواتى وراحوا شهداء

يارب متزعليش منى

دمتى بكل خير

اختك جميله

روعه الخيال ولوعه الواقع يقول...

قال الله تعالى:
بسم الله الرحمن الرحيم(من قتل نفسا بغير نفس أوفساد فى الارض فكأنما قتل الناس جميعاومن أحياها فكأنما أحيا الناس جميعا
ولقدجأتهم رسلنا بالبينات ثم أن كثيرا منهم فى الارض لمسرفون). صدق الله العظيم

miroooo يقول...

عندك حق والله يا فينوس الناس بقت وحشه اوى وبيتعاملوا مع بعض بطريقه مش كويسه علشان كده ممكن يكون ربنا سلط علينا ناس يمكن تفوقنا بدل ما احنا نايمين ومش حاسين
والله شىء محزن اللى حصل انا حزينه جدا لما حدث
ربنا يرحم كل من مات فى هذا الحادث الاليم

Boneta يقول...

جميله المصرى
شكرا جميله علي مشاعرك وانا اسفه ان كنت جرحتها ولو من غير ما اقصد انا يا اختي اقرب اصحابي مسلمات وده شيء بقوله وانا مبسوطه ولو تعبتي نفسك شويه ودخلتي عندي المدونه هاتلاقيني لسه كنت برد علي محمد التركي وبقوله ان انا واصحابي بناكل ونلبس من نفس الاكل واللبس مع بعض مفيش جوانا اساسا الشعور بفرق بنحب بعض ونقف مع بعض ونهنيء بعض ونتناقش في الامور اللي وصلت لها بلدنا واننا شعب طيب بس الهمج مش عاوزيين يسيبونا في حالنا نعيش في سلام مع بعضنا ده كله كلام مش محتاج مزايده عليه من حد .اما كلامك بان امريكا دخلت في دماغي ولا خرجت من دماغي فطبعا ده كلام بعيد تماما عن الواقع ايه دخل امريكاواسرائيل في الموضوع هو حمام الكموني الارهابي كان يهودي ولا امريكي؟ اتمني ان كلامي لا يسبب اي جرح لاي انسان لاني مش اقدر اكون سبب في الم اي انسان ولكن ده هو الواقع المر وانا اتعلمت أقول الحق وامري علي الله .
تحياتي لك ولزوقك ولطيبه مشاعرك

أسامة يقول...

البقاء لله , قلوبنا معكم .. علينا أنا نعي جيدا بأن الإرهاب لادين له ولاحدود أو وطن , أسأل الله أن يذهب ما ابتلا به الأمة العربية والعالم بأسره من ويلات وحروب ودمار ومحاولات لإشعال نيران للفتن

(حلـم) يقول...

توضحيك في محلة


ولازم لمن يقرؤن سطرورا سطرين


انت واضحة


يكفي


كل الاحترام لهذا السمو في المشاعر


والتوزن والتعقل



ونقدر عاليا هول ماحدث

ومدى تاثيرة علي اعصابك واعصاب الانقياء


هيا


اريد معنويات عالية


هامات دائما مرفوعة


اكف كحد السيف


السلام