الخميس، يوليو 07، 2011

تخاريف



مشهد من مسرح الحياه


عادت الانوار تدريجيا

اسدل الستار

انتهى العرض المسرحى

صافح الجميع بعضهم البعض

على ايقاع التصفيق

بينما وقف هو فى زاوية مظلمة هناك

تسقط من عينيه دمعة صامتة

فها هى حبيبته التى كانت ترقص وتشدو امامه يوميا

ستغادر الى الابد

فقد كانت الليلة الاخيرة لهذا العرض

وهل هناك اقسى من ليلة فراق








ليلة كئيبة وحزينة

كباقى الليالى التى تمر عليها

تردد بينها وبين نفسها

لماذا لا تسمح لى الايام

بالاحتفاظ بك دائما ؟




ما اعظم ان تكون غائبا حاضرا على ان تكون

حاضرا غائبا

تأمل فى هذه المقولة الشهيرة

هذا هو حالنا جميعا

نعيش الحضور الغائب مع من يحتاجون الينا ونخذلهم

ونعيش الغياب الحاضر مع من نحتاج نحن اليهم

ويخذلوننا




خيطا رفيعا ما بين الصراحة والوقاحة

وما اكثر هؤلاء الذين يطلقون على انفسهم صرحاء

وهم فى واقع الامر ألسنة أكتست بالوقاحة ..

ولذا

رسالة الى هؤلاء

حافظوا على ألسنتكم فالوقاحة مرض خبيث

ومن الصعب التخلص منه

هناك 26 تعليقًا:

sony2000 يقول...

غائبا
حاضرا

علي ان تكون
حاضرا
غائبا

ليه كل ماهو حاضر غائب
وليه كل ماهو غائب حاضر

جمله أحمد حلمي الفلسفيه
التي تحمل كل المعاني

شكرا لكي كثيرا علي هذه الجمله الرائعه

سواح في ملك اللــــــــــــــــــه- يقول...

العزيزة فينوس

مكنتش اعرف انك فيلسوفة متبحرة كدة

كلماتك واضحة لاتحتاج تعليقا سوي استحساني

معانيها

رائعة يافينوس

شيرين سامي يقول...

دي مش تخاريف يا فينوس دي فلسفه رائعه لواقع مؤلم للأسف دائماً بننسى القلوب اللي بتحبنا عشان اتعودنا عليها جنبنا بنكون ليهم حاضر غائب.

بوست رائع لكن حزين كعادتك في الفتره الأخيره.

أرق تحية لكي

Tarkieb يقول...

هو انت ليكي في التمثيل؟ اصل قبل كدة كنت قريت حكاية عندك بالظبط عن العرض الاخير برضه...وشوشيني ومش حاقول لحد؟ بس ايه الكلمات الشديدة دي في الاخر؟ شديد ياباشا والله

mrmr يقول...

كلمات قويه جدا
دى مش خطاريف ابدا
دى رساله
وحشتينى
وسامحينى على التقصير فى حق مدونتك ومدوناتى ايضا

Days and Nights يقول...

الأخت الغالية والعزيزة / فينوس

الله ينور عليكى

الحاضرين الغائبين كتير

وللأسف الوقحين أكتر

ومازلت أعيش بالأمل

تحياتى لروحك الطيبة

تامر

iـــــــــــsــــــــــlــــــــــــaـــــــــm يقول...

طب اعلق على ايه ولا ايه
ما اجمل التخاريف بالشكل ده
الغائب الحاضر والحاضر الغائب
وجعتينى فى الجزء ده
اما الصراحه والوقاحه
اجمل شىء فيكى يا فينوس
انك لازم تدينا جزء انسانيه
لازم نحس ونعقل كل شىء بنقوله
وبين الصراحه والوقاحه فعلا شعره
كلامك ده ابدا مش تخاريف
حروفك روعه يا فينوس

تحياتى

Tamer Nabil Moussa يقول...

بوست مميز فينوس

ورسالة موجهة صح الصح

تسلمى عليها

مع خالص تحياتى

..... آرثـر رامبـو ..... يقول...

صباح الخير فينوس

لفتـه ذكيـة فلسفيـة :
ما اعظم ان تكون غائبا حاضرا على ان تكون حاضرا غائبا
فشكرا شكرا شكرا

تحيـة ؛ )

Carmen يقول...

ليه الحزن ده حبيبتى ؟؟

رائعة جدا تسلم ايدك

Carmen يقول...

http://karmenhome.blogspot.com/2011/07/3.html

http://karmenhome.blogspot.com/2011/07/4.html

http://karmenhome.blogspot.com/2011/07/blog-post.html

http://karmenhome.blogspot.com/2011/07/2.html

لك هدية روح استلمها :D

سندباد يقول...

الفراق اقسي شعور ممكن نحسه ونعيشه ولكن انها اقدار ولن نستطيع ان نعاند القدر
هناك فرق كبير بين الحرية والانفلات وما يحدث هو اكبر مثال علي الانفلات في كل شئ
تحياتي وتقديري لاسلوبك الرشيق
تقديري واحترامي

amiralcafe يقول...

لماذا ننسى الذي يفكر فينا ونتذكر الذي ناسينا.
سلامي اليك اختي العزيزة فينوس

الصراحه هي الدواء الشافي
الوقاحه هي مرض ليس له دواء
رؤوف

لـــولا وزهـــراء يقول...

خيط رفيع بين الصراحة والوقاحة ليتهم يعلموا
دائما ما نعيش دور الحاضر الغائب مع من يحتاجوننا
كلمات رائعة

لولا

وصف الاحساس يقول...

والله يا فينوس انا تعبت عشان اعرف احط التعليق في حاجه بتفتح غير صفحه التعليقات بس الحمد لله بعد 3 محاولات فتحت صفحه التعليقات

البوست بقي
جميل جدا والصور اجمل ومعبره عنده
بجد تسلم ايدك
تحياتي

Mona Abo - Elso3od يقول...

ليلة الفراق
الأقسي من ليلة الفراق محاولات نسيان الفراق و ليلته الأخيرة

ليلة كئيبة و تساؤل للحياة لماذا لا تسمح لنا بالإحتفاظ بمن نريد ... لأن تلك هي الحياة دائماً ما تلعب تلك اللعبة تأتي لنا بما نريد و ما أن نبدأ بإستشعار السعادة حتي تسلبه ثانية عادي هي كده


ما اعظم ان تكون غائبا حاضرا على ان تكون حاضرا غائبا

أتفق معك فيما سطرتي نعم تلك عادتنا دائما نتواجد لمن يتحلون بالغياب و نبتعد عمن يتمنون الاقتراب

الخيط الرفيع
أصبحت لفظة الصراحة هي مبرر كل من يريد التطاول مدعياً أنها الصراحة كالعادة مفهوم مغلوط كما العديد من مفاهيم هذا الزمن

تحياتي لك و لتخاريفك التي لا تصنف أبداً كتخاريف و إن كانت تخاريف فأرجو أن تكثري منها

تحياتي الخاصة جداً لكِ

طالبة مقهورة ..درجة أولى يقول...

التعليق هقسمه عشان متلخبطش :)
______
1 و 2
الفراق دايما في اللحظة الاخيرة..الفكرة ديه بتجيب في دماغي سندريللا وليه هيا كانت مضطرة تمشي الساعة 12 يدوبك قبل ما تكشف نفسها للأمير..!!
يمكن الجزء الخيالي ف القصة وف اول فكرتين هنا..ان ف القصص الخيالية لازم تنتهي بنهاية سعيدة وعشان كده الامير فضل يدور على سندريللا ومسمحش انهم يفترقوا..الواقع بقى مش بالضرورة تكون نهايته سعيدة

....
3

اهي ديه عجبتني بطريقة فظيعة بقى
احد الطباع البشرية الانانية الحقيرة..الخذلان دايما مؤلم

...
4
مش محتاجة تعليق ديه :D


غجبني البوست وعشان كده رغيت كتير استحمليني بقى

ندا منير يقول...

اقوى عذاب هو بجد لحظة الوداع

اصعب لحظة لما يجى القدر ويقول وقتك انتهى انت وحبيبك ودى اخر ثانية ليكم

جايدا العزيزي يقول...

اجل فينوس

مسرح الحياه مليئ باللحظات القاتله

راقنى الفرق بين الوقاحه والصراحه

اللهم اجعلنا من الصرحاء وليس الوقحاء

دمت مبدعه غاليتى

تحياتى

Mona يقول...

ساعات بحس أننا بندن فى مالطة :(( بس الكلام حلو ومعبر وأتمنى أن أكون دائما من الصرحاء وليس الوقحاء

Tears يقول...

معلش يا فينوس اتاخرت عليكي اوووى

كلماتك ذكية و تحمل اكثر من معنى فيارب يفهموا و يرحمونا



تحياتي

faroukfahmy58 يقول...

فيتوس
صحيح يا فينوس تطبيقا لما ذكرتيه فانا مثلا كنت حاضرا ولكن لسوء حظى غائبا عن كلماتك الذكية المنيرة التى كنت اود ان التقى بها ولكن لوحة تحكمى لا تضم ما تدونيه ولعل السبب هو عدم استراكى فى قائمة متابعينك الذى اسرعت بالانضمام اليها كما اتعشم ايضا بانضمامك الى قائمة متابعينى حتى نتواصل سويا فى متابعة اعمالنا مع شكرى وتقديرى
الفاروق

toomy يقول...

أظن أن ده نص متكامل
لا مش أظن أنا متأكده
الأحساس .. الوصف الدقيق .. لمحة الفلسفه اللي مغلفاه
بجد من اكتر الحاجات اللي استمتعت جدا وانا بقرأها
:)
والصور كمان جميلة جدا ومناسبه جدا

ذو النون المصري يقول...

مش عارف اعلق علي ايه و للا ايه
كل الكلمات جميله جدا جدا
حاضر غائب و غائب حاضر
الصراحه و الوقاحه
جميل جدا جدا البوست
تحياتي

أحمد الصعيدي يقول...

حبكو الحوار جميلة
زادها احساسك روتقا



فينوس

اسعدك الله

Story pain يقول...

بينما وقف هو فى زاوية مظلمة هناك

تسقط من عينيه دمعة صامتة

فها هى حبيبته التى كانت ترقص وتشدو امامه يوميا


تصوير رائع واحساس صادق

دمت فينوس ودام ابداع قلمك