الجمعة، يوليو 22، 2011

خارج اطار الصورة


اذا اردت ان ترى صورة ما بوضوح

لابد وان تعبر خارج اطارها

ثم تنظر اليها من بعيد


ستراها على حقيقتها تماما


...

الانسان فى طبيعته لا يشعر بالاشياء

او الاشخاص القريبين منه

او الملاصقين له دائما

فلا يوجد أحد مننا يتسائل

هل يده او قدمه

فى مكانها ام لا

فنحن لا نتحسس سوى الاشياء

التى نكتشف عدم وجودها

ولا نشعر بأهميتها

الا عندما نفقدها


تلك هى الطبيعة الانسانية

لا نرى الحقيقة الا فى الابتعاد

ولا نشعر بالأهمية الا فى الافتقاد


كنت بحاول اتعلم من فترة الفوتوشوب لكن من الكسل بطلت

الصورة دى كنت عملاها

من زمان طبعا دلوقتى نسيت :)

هناك 21 تعليقًا:

ابراهيم رزق يقول...

اولا الصورة جميلة

ثانيا معكى حق تماما

تحياتى

Carmen يقول...

صورة معبرة جدا جدا
عندك حق احنا مابنشوفش حاجة ع حقيقتها الا مانبعد عمها

بوست روعة تسلم ايدك

Doctora Heba يقول...

جميلة جدا الكلمات

فعلا لا يدرك قيمة المرء الا بعدما يترك

تسلمى ,,

Ramy يقول...

دى مشكلة حقيقية

ان كل الناس فاقدة الأحساس بالأخرين عموماً

حتى لما بيحصل نزاع او حتى اختلاف فى وجهات النظر

لما الواحد بيحط نفسه مكان التانى بأمانة بيقدر يحل جزء كبير المشكلة و سوء الفهم

الصورة بقى تحفة بأمانة

خسارة ان انتى مكملتيش بجد

Tarkieb يقول...

بس رجل البنت وحشة ...بنسميها في السيدة زينب معرقبة... حرام الشغل فيها بالفوتوشوب ..او ممكن توضبيها شوية ههههه ورينا الهمة بقى

Mona يقول...

لو رجعتى تجربى تانى حتلاقى نفسك فاكره هو سهل مش صعب جربى تانى - صدقتى وتحياتى لك ياجميلة

zizi يقول...

استني انتي ..قبل ماتشوفي ردي اقبلي مني الوردة دي وبعدين بقى اقولك ..ان موضوعك رقيق قوي زيك وان فعلا الواحد كل ما يبعد عن الصورة حايشوفها اوضح ..ايه رأيك انا اول مرة ادخل عندك لكن لما قريت لك عند كارمن حسيت انك انسانة رقيقة قوي ونفسي اصاحبك ونفسي كمان اقولك اني لو كنت اعرفك قبل ما أطلب من البعض انه يعمل الواجب التدويني ومش عارفة ليه هم هنا في مجموعتنا بيسموه واجب تدوينني عند الناس التانية بيسموه التاج يعني انا عايزة البسك التاج النهارده وتقوليلنا بقى الآتي :احلى ذكرياتك -ايه الغنوة اللي بتحبيها رجالي وحريمي -ايه الفيلم اللي تحبي تشوفيه كل ما يتعرض -ايه الأكلة اللي بتحبيها ..ايه الموقف اللي ضحكك وماتقدريش تنسيه - ايه الحكمة اللي بتؤمني بيها -كلمة تهديها لمين -شكر لمين هدية لمين -عتاب لمين -دعوة منك لخمس اشخاص عشان يلبسوا التاج ده وتحياتي والى اللقاءمدونتي في انتظارك ..

سواح في ملك اللــــــــــــــــــه- يقول...

الرائعة فينوس

لديكي

فلسفة واقعية ذات بعد متامل

تحيتي الي عقلك الراجح

Story pain يقول...

اذا اردت ان ترى صورة ما بوضوح

لابد وان تعبر خارج اطارها

ثم تنظر اليها من بعيد

ستراها على حقيقتها تماما


تشبيه رائع...وحقيقى جدا

تسلم ايدك فينوس

The illusionist يقول...

المره دى كمان انتى اللى عامله الصوره
لالالا
كده كتير على فكره
طب يعنى هو لما كل مره تكتبى كلام حلو لا وتجيبى صوره حلوه
يبقى موقفى انا ايه حضرتك
اعمل كوبى لكومنت فى بوست فات يعنى

مبلالالالالاقيش كلام اقولك بيه ان كلامك حلو
عععععععععععععععااااااااااااااا

منيرة سوار يقول...

كلامك صحيح 100% عزيزتي..
شاكرة لك مرورك الجميل بمدونتي..
اتمنى ان اراك دائماً..

سندباد يقول...

كل يوم بنفقد حاجة جميلة جوانا ومع تقدم وتحضر الزمن بنرتد احنا الي العصور البدائية الهمجية وربنا يرحمنا
جميلة الصورة تسلم ايدك

iـــــــــــsــــــــــlــــــــــــaـــــــــm يقول...

لا طبعاااااااااااا لازم تكملى فى الفوتوشوب الصوره فى منتهى الجمال
بجد خساره لو وقفتى هنا بس

انا معلقتش على الكلام لأنى متفق معاكى جدا فيه

بس الصوره هى اللى خطفت خيالى
ياريت تكملى يا فينوس

تحياتى

faroukfahmy58 يقول...

اسمحى لى ان احجز مكان لحين اعداد النعليق الذى يليق بمقامك الغالى وبوستك الرقيق

Tamer Nabil Moussa يقول...

عندك حق فينوس هى طبيعة بالانسان وىيخرج منها الا نادرا

تسلم ايدك

مع خالص تحياتى

faroukfahmy58 يقول...

ms venus
اولا ان اشارك زيزى فيما ذهبت اليه فى التعليق
ثانيا فى علم النفس كانو بيقولوا انت لاتشعر بقيمة واهمية المياه الا عندما تفتح صنبور المياه وتجد الماء مقطوعا ولا تشعر باهمية النور الا اذا انقطع التيار الهربائى
طالما ان الشئ موجودا قريبا منك لا تشعر باهميته وخاصة عند ابتعاد القلب عن الحبيب ساعتها ريشعر الانسان ان الوجود لا طعم له وقد فقد مذاقه وحلت السآمة ونزل القنوط
تعبيراتك قريبه الى القلب وخاصة اطنابها

mrmr يقول...

صوره جميله
نفسى اتعلم الفوتوشوب بجد
وحشتينى

جايدا العزيزي يقول...

أجل غاليتى

يجب ان ننظر خارج اطار الصورة

لكى نراها من جميع الزوايا

رائعه الصوره فينوس

والاروع الفكره غاليتى

تحياتى

MONTY يقول...

فعلا مش بنعرف قيمة الاشياء الالما بنفقدها..


تسلم ايدك

amiralcafe يقول...

ما نحس بقمة الشئ الا حين نفقده
رؤوف

zizi يقول...

مش مشكلة تردي على التعليقات ..المهم تقبلي مني الوردة دي كمان وياكسلانة اكتبي حاجة قبل رمضان عشان استمتع ونورتيني بزيارتك
وروحي شوفي كاتبالك ايه ..ودعواتك ليا ...اقولك على فكرة حلوة في نهاية كل مجموعة تعليقات اكتبي رد جماعي تشكري الكل الا اذا كان فيه تعليق يستاهل رد فردي زي تعليقي كده دا بقى لازم تردي عليه لوحده وبس خلاص ..