يعنى ايه تكون انسان ومتحسش بغيرك ؟
يعنى ايه تعيش ظالم ومعاند ضميرك ؟
يعنى ايه تشوف الحق وتغمض عنه عينك ؟
يعنى ايه تفرح وتضحك على جرح غيرك ؟
يعنى ايه تعيش انانى ؟
تقول انا ومحدش تانى ؟
يعنى ايه تفكر ان انت بس اللى صح
يعنى ايه تلاقى الف عذر لأى جرح ؟
يعنى ايه تقول ان الغلط هو اللى صح؟
لا استنى هنا واسمعها بقى منى
انت انسان وانا زيك كمان انسان
عايش فى امان وانا كمان عاوز الامان
انا مش اقل منك
انا مش اضعف منك
انا بس ساكت وصابر ومتحمل الأذية
علشان بحبك
و
لانك فى النهاية
اخويا فى الانسانية
ع الهامش
كانوا بيقولوا لينا الساكت عن الحق شيطان اخرس
دلوقتى الشيطان بقى احول
بيشوف الحق بشكل تانى خالص
يعنى ايه تعيش ظالم ومعاند ضميرك ؟
يعنى ايه تشوف الحق وتغمض عنه عينك ؟
يعنى ايه تفرح وتضحك على جرح غيرك ؟
يعنى ايه تعيش انانى ؟
تقول انا ومحدش تانى ؟
يعنى ايه تفكر ان انت بس اللى صح
يعنى ايه تلاقى الف عذر لأى جرح ؟
يعنى ايه تقول ان الغلط هو اللى صح؟
لا استنى هنا واسمعها بقى منى
انت انسان وانا زيك كمان انسان
عايش فى امان وانا كمان عاوز الامان
انا مش اقل منك
انا مش اضعف منك
انا بس ساكت وصابر ومتحمل الأذية
علشان بحبك
و
لانك فى النهاية
اخويا فى الانسانية
ع الهامش
كانوا بيقولوا لينا الساكت عن الحق شيطان اخرس
دلوقتى الشيطان بقى احول
بيشوف الحق بشكل تانى خالص
هناك 14 تعليقًا:
ازيك فينوس
باين ان اختفاء المواضيع مش عندى بس لكنها ظاهرة على الجميع نتيجة اصلاح الموقع
انا كنت بقول
ان الانسانية احساس
اذا ذهب الاحساس ذهبت الانسانية
موضوع قيم
وعرض طيب
مع خالص تحياتى
يعني مايبقاش انسان ياحبيبتي اذا كان كل ده فيه
الانسان اللى عايز يعيش لوحده ياجر له جزيره فى المحيط و يريحنا منه ...اللى عايز يعيش بينا -حتى لو كان مش حابب اللى حواليه- على الاقل يرحمنا من اذاه...
الرسول عليه الصلاه و السلام بيقول "المسلم من سلم الناس من يده و لسانه"
فى ناس بتخاف تتكلم حتى لو الحق معاها
اتعودا على انهم يمشوا جمب الحيط ويقولو حاضر ونعم وبس
تحياتى ليكى
بوست جميل يا فينوس
سامحيني مش عارفه اعلق عليه
انتي قولتي كل حاجه
تحياتي
يعنى ربنا موجود
والله كلامك هايل يا فينوس
وبالنسبه للشيطان اللى بقى احول
فانتى مغلطتيش خالص
لسه كلامك فيه انسانيه
والعالم بينسى
تحياتى ليكى
ياريت الكل يعرف يعنى ايه انسانيه
كان الكل يرتاح
لكن احنا عايشين فى غابه قانونها البقاء للاقوى لكن مش عارفين ان ربنا اقوى بكتير من قوتهم
ربنا موجود
متحمل الاذية
علشان
بحبك
تستاهلي ابوس ايدك
اسرتيني بانسانيتك
الله يحماكي
يا ميس فينس
أنا تعبانة وخايفة جدا جدا على مصر
معنتش عايزة أشوف أخبار خالص ..معنتش عارفة ايه اللى بيحصل
خالص حبى
فعلا يا فينوس فى ناس اتنزعت من قلوبهم الرحمه والانسانيه انعدمت عندهم
دول بقى بعيد عنك بيبقوا مغيبين خالص وضميرهم نايم
ربنا يبعدنا عنهم ويصلح احوالهم
تحياتى لاسلوبك الرائع
الىل بيحرقوكوا ويدمروا فيكو دول مش بشر يا فينوس ولا يعرفوا للانسانية معنى دول لو حيوانات كانوا حسوا يعنى ايه قتل انسان ويعنى ايه بث الرعب فى قلبه ويعنى ايه هدم دار عبادة او حرقها
لكنهم حتى مش قادرين يملكو احساس الحيوان
ربنا يهونها
ربنا يحفظ مصر
لولا
صباح الورد برغم كل شيء
شوفي ...كنت بقول لصديقي انا مكنتش عايزة ابقي انسانة ..ياريتني كنت بقيت شجرة او وردة او اي شيء تاني ...عشان بس تصرفات البني آدمين...
بس الحمد لله علي كل شيء ومش اعتراض علي مشيئة الله لكن اعتراض علي تصرفات البشر
بس هما كدة البشر " خلق الانسان جهولا"
إرسال تعليق