الأحد، مارس 20، 2011

هههه جميل

مبروك النتيجة


الفيديو ده هدية ليكم





هو مين جاب سيرة المادة التانية ؟

وايه معنى الكلام ده فى التوقيت ده بالذات ؟

طبعا الندوة دى كانت قبل الأستفتاء ..

هناك 34 تعليقًا:

Tears يقول...

لو تلاحظى لما طلب الثوار الافراج عن المعتلقين السياسيين لم يفرج عن اى حد غير التيار السلفى و الاخوان بينما الشباب اللى زى الورد اللى كان متاخد من التحرير لا و ناس تانية لا

اقرى ده ح تستنتجى
http://www.almasry-alyoum.com/article2.aspx?ArticleID=291009&IssueID=2080

Days and Nights يقول...

الأخت العزيزة / فينوس

دا طبعا رد فعل متوقع من جماعة السلفيين ... السؤال بقى هو الجهاد ح يكون على مين ولا مين ؟؟؟؟!!!!

لما 2 أو 3 % من الشعب المصرى تعلن الجهاد على 97 % من نفس الشعب يبقى إيه ؟؟؟!!!!

دمتى بكل الود

أخوك / تامر

Ms Venus يقول...

تامر

لا النسبة اللى انت قولتها مش هى الواقع نهاائيا

والدليل نتيجة الاستفتاء

Mona يقول...

عارفة والدليل قالوا له ربنا مايحرمهم من الهبل!!!!!!!!!!!!!

Casper يقول...

لا اقول غير حسبنا الله ونعم الوكيل
انا نفسي معرفش مين جاب سيرة المادة التانية

Ms Venus يقول...

ما ده اللى انا كنت بقوله يا تيرز


لما بلطجية وارهابين ومجرمين يعتدو على ناس

ايه اللى المفروض يتعمل ؟


القبض عليهم والعقاب

ولا يبعتولهم محمد حسان ؟!

Ms Venus يقول...

منى


تخيلى معايا مصير مصر بيهم !!!!

Ms Venus يقول...

كاسبر

محدش جاب سيرتها

لكن هما ضحكوا بيها على الناس البسيطة


اللى كانوا رايحين الاستفتاء بيقولوا نعم بس علشان يحافظوا على الاسلام والمادة التانية

تخيل !!!

Days and Nights يقول...

الأخت الغالية / فينوس

الناس قال نعم ... عشان فاكرين إن لأ دى معناها عدم الإستقرار .

على العموم لسة فيه 8 إنتخابات خلال سنة واحده :

1- إنتخاب الرئيس.
2- إنتخابات مجلس الشعب .
3- إنتخابات مجلس الشورى .
4- إنتخابات المحليات.
5- الإستفتاء على الدستور الجديد.
6- إنتخابات مجلس الشعب.
7- إنتخابات مجلس الشورى .
8- إنتخابات المحليات .

يارب الناس تفهم معنى الوعى الفكرى ... والديموقراطية الصحيحة .

دمتى بكل الود

تحياتى

أخوك / تامر

Ms Venus يقول...

مش كل اللى قال نعم كان بيقول كده يا تامر للأسف

وانا وانت وكلنا عارفين ده كويس

لــــ زهــــــراء ــــولا يقول...

شوفي دي يا تريز الكنيسة عايزة تقول لأ عشان ميقامش دولة اسلامية ... مين جاب سيرة الدولة الاسلامية!!!

للأسف الطرفين بيعملوا لصالحهم .

http://www.facebook.com/video/video.php?v=117755234968551

لولا

Ms Venus يقول...

لولا


الدين والايمان بيه جوة القلب


يعنى ولا دستور ولا مادة تانية ولا قانون هو اللى هيحمى ايمان الناس وتمسكهم بدينهم

بمعنى


لا الدولة المدنية هتزود ايمان المسيحيين

ولا الدولة الاسلامية هتزود ايمان المسلمين


قول نعم او لا واختار ما شئت براحتك

لكن تفرضه على الناس بأسم الدين هو ده المرفوض


الكاهن اللى انتى جيبتى الفيديو بتاعه ده مقالش للناس روحوا قولوا لا والا تبقوا كفرة

او روحوا قولوا لا علشان تنصروا المسيحية


لكن للأسف العكس حصل

تيارات دينية فهمت الناس انك تقول نعم والا تبقى كافر

وقول نعم علشان تنصر الاسلام


فى فرق

سواح في ملك اللــــــــــــــــــه- يقول...

فينوس
اختلط عليكي الامر ياعزيزتي
ولااحبذ الحديث في مثل هذه الامور
ولكن
شعب مصرالذيقام بثورته
التي ابهرت العالم من العقل بحيث يستطيع
التمييز بين ماهي فتوي دينية
وبين كلمات لاتعني له سوي التاثير علي رايه
لاتنسي يافينوس قبل 25 دعا البابا
الي عدم الخروج في التظاهرات
ولم يمتثل مسيحيوا مصر
ونزلوا مع اخوانهم في التظاهرات
لكل رايه
ولنا ان ناخذ به او لا علي حسب القناعات
تحيتي يافينوس

Ms Venus يقول...

سواح
متفقة معاك

لكن اللى حصل مكانش مجرد آراء

والكل اكيد عارف والكل اتكلم عن اللى حصل

وازاى استغلال الدين فى فرض الرأى

والبابا قال رأيه لكن لم يفرضه

وفى نفس الوقت مقالش ان اللى هيطلع يبقى كافر

وعلى العموم حتى لو أختلفنا فى الاراء

فى النهاية كلنا مصريين

وكلنا اكييد خايفين على بلدنا

وخايفين على دم اخواتنا اللى ضحوا بنفسهم علشان بلدنا وعلشان احنا نعيش كويس

وانهم بدمهم ده حررونا عصر فرعون

ونتمنى كلنا ان مش يمشى فرعون

ويجى بعده فرعون أقسى منه وأشد ظلما

تحية ليك يا اخويا الغالى

لــــ زهــــــراء ــــولا يقول...

لكن تفرضه على الناس بأسم الدين هو ده المرفوض

" بالضبط الله ينور الكنيسة فرضت لأ بأسم الدين !!! ومتنكريش

والمسجد كمان . !!! "



والبابا قال رأيه لكن لم يفرضه

وفى نفس الوقت مقالش ان اللى هيطلع يبقى كافر


" لا مقالش رأيه دا قال لهم قولوا كذا عشان ميبقاش فيه دولة اسلامية !!! على اساس نعم هتخلي فيه دولة اسلامية!!! وقال بالنص احنا مش قليلين في البلد قول لكل اللي تعرفهم احنا هنبقى قولييلين لو قاعدين في بيتنا... ازاي يافينوس بتنكري شئ واضح زي الشمس وبعتلك الفيديو "


لكن للأسف العكس حصل


" من رأئي المتواضع انك تسمعي الفيديو تاني ... واحنا محدش قالنا قولا كذا لحسن لو قولتوا كذا هتبقوا كفرة !!!
قالوا واجب شرعي . وشتان بين لاتنين
واكيد مش واجب شرعي ولا حاجة دي حرية شخصية

لولا

لــــ زهــــــراء ــــولا يقول...

ورد سواح في ملك الله يكفي ايضاً للرد

لولا

Ms Venus يقول...

لولا بنكر ايه ؟

هو لما الناس تقول دولة مدنية مثلا ده ماله بالدين ؟


وهو الثورة اصلا لما كانت بتقول دولة مدنية مش دينية ده ايه ؟



هو انا لو وقفت دلوقتى وقولت انا عاوزة وبنادى بدولة مدنية ده غلط ؟


وواضح ان انتى اللى مش شوفتى اللى كان بيحصل فى الشارع

والورق اللى كان متعلق فى كل الشوارع


لما انا شوفت بنفسى واحدة ست عجوزة بسيطة ماشية ورافعة يافطة مكتوب عليها قول نعم للأسلام!!



الفيديو انا شوفته كويس اوى اوى

ولو مطلوب فيه دولة مدنيى اظن ده واحد من اهداف الثورة

لكن لما يطلع الشيوخ والدعاه ومع الاسف فى المساجد ينادوا والكل سمعهم ان تقول نعم علشان الاسلام

ده تفرق كتير اوى اوى


لفى كده على المدونات اللى اتكلمت فى الموضوع ده واقرى وشوفى الناس كتبت ايه وشافت ايه


وبلاش انتى تنكرى ان المستفيد الوحيد من الوضع ده ومن التعديلات دى ومن عمل برلمان فى الوقت ده هو الاخوان المسلمين


الاخوان المسلمين = دولة دينية طبعا ومعروفة


ودولة دينية = عكس مطالب الثورة

صح ؟

Ms Venus يقول...

لما انادى بدولة مدنية مش معناه انى بنادى بأسم الدين

لان ببساطة جدا كل المسلمين المعتدلين العقلاء بينادوا بنفس الشىء

الكل عاوز دولة مدنية بتحترم شعبها وتنادى بسيادة القانون



لكن لما انادى بدولة دينية واقول صوت علشان الاسلام هنا فى عنصرية

هنا فى استغلال للدين


والناس اللى ماتت فى التحرير دول مسلمين ومسيحين

ماتوا علشان دولة مدنية

مش علشان شىء تانى

لــــ زهــــــراء ــــولا يقول...

هو لما الناس تقول دولة مدنية مثلا ده ماله بالدين ؟
"ك ياستي مقالش قولوا لأ عشان تبقى دولة مدنية دا قال قولوا لأ عشان متبقاش دولة اسلامية ..."
لولا

لــــ زهــــــراء ــــولا يقول...

هو انا لو وقفت دلوقتى وقولت انا عاوزة وبنادى بدولة مدنية ده غلط ؟


وواضح ان انتى اللى مش شوفتى اللى كان بيحصل فى الشارع

والورق اللى كان متعلق فى كل الشوارع


" لا انا شوفته ومستنكراه كمان ... وقولت لأ عشان مقتنعة بالكلمة ...
بس انتي بتهاجمي بالفيديو بتاعك وانا برد بفيديو ليكِ عايزة اقولك انا مستنكرة ده وده كلا الفيديوهين احنا طالعين ننتخب عشان حريتنا ... ياعني انتي نقدتي جانب واحد فبوريكِ الجانب الاخر من الصورة ...وانا برفض كلا الصوتين "
لولا

لــــ زهــــــراء ــــولا يقول...

لولا بنكر ايه ؟
" بتنكري ان كلا الجانبين تحدثوا بأسم الدين في الاستفتاء الاخير وده مرفوض "
لولا

Ms Venus يقول...

هههههههههه وهو عكس الدولة الاسلامية ايه يا لولا

دولة هندوسية مثلا ؟


الكاهن اللى فى الفيديو مقالش حاجة ضد مصر ومقالش حاجة ضد الثورة واهدافها

وعلشان نبقى صرحاء مع بعض


مش بس المسيحين اللى رافضين دولة دينية اسلامية

لكن والمسلمين كمان


ومش عيب ولا اهانة انى ارفض اصبغ بلدة بدين معين بالعكس

ده من حقنا كلنا

يبقى الدين فى القلب وبينا وبين ربنا

لكن بلدنا لينا كلنا وملهاش اى صبغة دينية

لــــ زهــــــراء ــــولا يقول...

لا ميبقاش فيه تصنيف ده اللي اقصده ياعني يقول متقولوش غير لأ عشان عايزنها مدنية وبس ...انما يكمل ويقول لحسن هتبقى دولة اسلامية ده تصنيف .... ممكن كان يقول عشان تبقى مدنية وده اللي قالمت عليه الثورة ومن اهدافها "

ياعني انا لو فيه كوباية ماية سيباها وقلت لفلانة اشربيها ... عادي انما لو كملت وقلت اشربيها لحسن البتت فينوس تيجي تشربها منك !!! ... تبقى ميصحش "


ومع ذلك عايزنها مدنية ... ده المقصد

لولا

Ms Venus يقول...

تعالى بصى للواقع

اللى حصل ده معناه ايه ؟


والموافقة دى هتودينا لفين ؟


والبرلمان اللى هيتعمل ده مين اللى هيكون فيه ؟


وبالتالى الدستور اللى هيتعمل بواسطة البرلمان ده مين اللى هيعملوه ؟


ليه كل القوى السياسية والاحزاب كانت رافضة التعديل الا ناس معينة بالأسم ؟


طب ده معناه ايه ؟


وفى حاجة مهمة انتى مش واخدة بالك منها

لم انادى واقول لا علشان احافظ على بلدى انها تفضل مدنية ولا تصبغ بدين معين


غير لما انادى واقول ايوة علشان تصبغ بدين معين

Ms Venus يقول...

انا وانتى مش مختلفين بالعكس

هدفنا واحد


ولعلمك مش معنى كلامى ده انى بدافع عن موقف معين

انا بس بحاول اوضح ان حتى لو فى تجاوز لكن فى صالح بلدى وصالح اهدافنا كلنا

غير لما يكون فى تجاوز هدفه بس مصلحة لفئة معين

فهمتنى ؟

لــــ زهــــــراء ــــولا يقول...

الكاهن اللى فى الفيديو مقالش حاجة ضد مصر ومقالش حاجة ضد الثورة واهدافها


" هو انا في كلامي قولت ان هتف ضد الثورة!!! انا معجبنيش لفظ عشان متبقاش اسلامية بس... ياعني انا مينفعش اقول مش عايزاها تبقى دولة مسيحية ... ميصحش ده تصنيف مرفوض "

هههههههههه وهو عكس الدولة الاسلامية ايه يا لولا

دولة هندوسية مثلا ؟

لو على رائيك يبقى برضه مش عكس دولة مدنية دولة مسيحية !!! زي ما عكس دولة مدنية دولة اسلامية !!!...
* خليني اقولك انا عكس دولة مدنية دولة
عسكرية
و دولة دينية


لولا


"
لولا

لــــ زهــــــراء ــــولا يقول...

ولعلمك مش معنى كلامى ده انى بدافع عن موقف معين


" الصراحة انا شايفة انك بتدافعي عن الموقف اللي انتي عارفاه مع اني كل ما افحكر ارفض اتخيل ده... لاني عارفة فينوس بتفكر ازاي... انا رافضة تحدث الكنيسة بأسم الدين وارفض تحدث المسجد بواجب شرعي... لو قلنا نعم او لا معناه برضه دستور جديد للكل المصريين"
لولا

لــــ زهــــــراء ــــولا يقول...

اكمل المناقشة بعدين لاني صايمة وهدعيلك وهدعي لمصر
وردة لعيونك الحلوين
لولا

Ms Venus يقول...

هرد عليكى نفس الرد اللى قاله الدكتور يحيى الجمل نائب رئيس الوزراء

لما كانت بيتكلم عن انواع الاحكام

وقال الدولة الوحيدة اللى مينفعش تقول فيها لا هى الدولة الدينية

لان وقتها هيتقال عليك كافر


لكن دولة عسكرية بقى او بوليسية او اى شىء

هتقدر تقول للفرعون انت فرعون فى عينه

Ms Venus يقول...

كلنا بنرفض تدخل الدين بالسيااسة

ده شىء مافيش جدال عليه نهاائيا


وسعيدة جدا بمناقشتى معاكى يا لولا


وصوم مقبول وافطار شهى ان شاء الله


وربنا يحفظ مصر بلدنا دايما ويبعد عنها الشر

اميين

لــــ زهــــــراء ــــولا يقول...

هرد عليكى نفس الرد اللى قاله الدكتور يحيى الجمل نائب رئيس الوزراء

لما كانت بيتكلم عن انواع الاحكام

وقال الدولة الوحيدة اللى مينفعش تقول فيها لا هى الدولة الدينية

لان وقتها هيتقال عليك كافر


لكن دولة عسكرية بقى او بوليسية او اى شىء

هتقدر تقول للفرعون انت فرعون فى عينه


" الرد ده على اساس اني قلت عايزاها دينية!!!... مدنية لا عسكرية ولا دينية "

لولا

لــــ زهــــــراء ــــولا يقول...

وصوم مقبول وافطار شهى ان شاء الله


وربنا يحفظ مصر بلدنا دايما ويبعد عنها الشر


" اتفضلي محشي ورق عنب :d"
لولا

Ms Venus يقول...

لا يا لولا الرد ده علشان انتى قولتيلى

خليني اقولك انا عكس دولة مدنية دولة
عسكرية
و دولة دينية


وركزتى وقولتى الكاهن حدد اسلامية وبس

حدد لان ببساطة هى الدولة الدينية اللى مستحيل تقولى فيها لا


فهمتى وجهة النظر

Ms Venus يقول...

وبألف هنا يارب وكل سنة وانتى بخير وكل سنة ومامتك بكل خير يارب وسعادة وصحة