الجمعة، مارس 18، 2011

هو احنا ليه بنقول لا ؟

محاذاة إلى الوسط


عرفتوا ليه لا لا لا ؟



ارجوكم


خافوا على مصر

هناك 20 تعليقًا:

لــــ زهــــــراء ــــولا يقول...

فينوووووووس

اضم صوتى الى صوتك يااااااااريت نخاف على مصر


زهــــراء

mrmr يقول...

كلام معقول جداً

اى حد خايف على مصر لازم يقول لا

لو قلبه اتحرق على الناس اللى استشهدوا لازم يقول لا والف لا

Days and Nights يقول...

الأخت الغالية والعزيزة /فينوس

طبعا بأقول لأ

ربنا ييسر الأمور ... وفى إنتظار نتيجة الإستفتاء .

دمتى بكل الحب

تحياتى

أخوك /تامر

Tarkieb يقول...

وحياتك من غير ما نشوف لااااااااااااااااا

Casper يقول...

مع كل الاحترام والتقدير لوجهة نظرك
لكنني سأقول نعم لأسباب كثيرة لن استطيع ذكرها في هذا الحين

Boneta يقول...

لالالالالالالا للتهريج
لالالالالالالا للترقـيع
لالالالالالالا لدستور سقطت شرعيته

Tears يقول...

استمارات التصويت اصلا بتوزع فى الشارع و مع الناس حتى فى الصعيد و بيكتب فيها نعم و يدوها للناس عشان يحطوها فى الصندوق و يرجعوا بالفاضية فياخدوا مكرونة و زيت و ان فيه ناس تانية بياخدوا منهم صورة الرقم القومى (زى الوراق مثلا) و يدوهم اى حاجة فى المقابل فقدت حماسى لان كده بقت تمثيلية زى كل مرة و مش فارق حاجة و الاسوأ ان دى بروفة لانتخابات الرئاسة و بالتالى احنا رجعنا لنقطة ما قبل 25 يناير و همه ح يعملوا اللى عايزينه و الاهم ان التعديل بتاع المادة 76 اللى المفروض ان يتوافق عليها بيمنع الطعن على نتيجة انتخابات الرئاسة يعنى ح يزوروا و ماحدش يفتح بقه و لما يبقى يجى رئيس جديد نتيجته مشكوك فيها يبقى يحط دستور هو و مجلس الشعب اللى ح يبقى مش ممثل للشعب بعد فيلم الاستمارة الدوارة ده

الاستمارات اللى فى الشارع بقالها تلت ايام هنا

http://www.facebook.com/album.php?aid=647424&id=522785413&fbid=10150448781095414

سندباد يقول...

المهم كلنا ننزل نقول ومنمش في البيت زي كل مرة
احسنتي
تحياتي

عمرو يسرى يقول...

اظم صوتى لصوتك

الميكروباص يقول...

الحقيقه انا شخصيا سأقول نعم
ولكن في النهايه الحكم للأغلبيه
والاهم من كل شيء ان نحترم حكم الاغلبيه

تحياتي لك في أول زياره

اسيره الاحزان يقول...

ان شاء الله

لاااا

الشاعر الفنان أحمد فتحى فؤاد يقول...

ربنا يسترها يا فينوس

و يحمي بلدنا الحبيبة من اصحاب المصالح و المتربصين

و أعداء الشعب

تحياتي لك

The illusionist يقول...

اقسم بالله لحد دلوقتى فى ناس صوتت بنعم وميعرفوش لا بتقول ايه وميعرفوش ان فى 8 انتخابات وميعرفوش اصلا انهم بيصوتوا على الدستور كله وفاكرين انو الست سبع مواد بس

Ms Venus يقول...

للاسف ايوة يا زناتى

وللاسف بردو فى منهم ناس مثقفة

لــــ زهــــــراء ــــولا يقول...

الحمد لله قولت لأ وانا قلبي مطمئن
ان اختياري في مصلحة مصر
لولا

فاروق سحير ( فاروق بن النيل ) يقول...

ميس فينوس...........
قلنا لأه عشان عايزين دستور جديد
موش دستور فاسد ومات وسقط مع سقوط النظام وفيه بلاوى لأى واحد يمسك رئيس مصر يحوله من ملاك لشيطان وكفاية كده لحسن حانفجر فيكى...............

رحاب صالح يقول...

للأسف فينوس
اللي حصل امبارح ف الاستفتاء رجعنا للصفر تاني
بس هقولك شيء من قلبي بجد وبتمني تفهميني انت وكل اللي يقرأ تعليقي
يعني لو الدولة أصبحت اسلامية ده هيمنع وجودكم كمسيحين..؟ هيمنع انكم تحبوا دينكم , ولو حصل العكس وبقت دلوة علمانية احنا هننسي دينا ..؟ الدين مش دستور دولة الدين شيء جوانا مزروع وكل يوم بينمو ويكبر بس احنا للأسف خلينا الدين هباء وشوية شعارات وادعية ....واللي يشوف حال مصر يعرف اننا بقينا ولا احسنها دولة علمانية ....عمر ما هيكون ديني مجرد دستور يتفرض عليا ....
انا قلت لاء في الاستفتاء برغم اني تقريبا كنت الوحيدة انا وصديقتي اللي قلنا لاء وده تأكيد والله مش مبالغةى والبركة في الاخوان طبعا....
بس صدقيني لو احنا بقينا دولة اسلامية وطبقنا الدين صح عمر ما هيكون فيه ضرر للمسيحين ابدا وارجعي للسيرة النبوية وانت تفهمي ....بس انا قلت رأي واتهمت باتهامات غبية ...ديني جوايا مش ديني اللي هتفرضه الدولة

Ms Venus يقول...

استاذ فاروق

كلنا هننفجر

بس مش فى بعض

هننفجر فى اللى كان السبب


ياما قولنا زمان وكنا بنصرخ


ونقولكم التيارات الدينية


تقولوا لا دول فزاعة وبس

ومالهمش قيمة او اهمية او ثقل

دلوقتى حصل ايه ؟

Ms Venus يقول...

رحاب

ايوة دينى جوايا

واللى بيحمى دينى هو ايمانى بيه
مش دولة ودستور وقوانين هما اللى بيحموا الدين جوة قلوب الناس

لكن اللى حصل امبارح شىء خطير وكمان مخيف


مش محتاجة طبعا انى احكى لك لان انتى وكلنا عارفين وشوفنا بعنينا المهازل


وهقولك بمنتهى الامانة ومتزعليش منى

احنا كمسيحين مافيش جديد هيجد علينا

لاننا من سنين مظلومين اصلا ومتضطهدين

بناء كنايس منوع

وظائف مرموقة ممنوع

قتل واتقتلنا فى الكنائس

هدم واتهدمت كنائس

والللى كان بيعتدى علينا كان دايما بيطلع مختل عقليا ومافيش اى عقاب

فده مش جديد ولو اتكرر مش هيبقى جديد بردو

لكن اللى هيتأثر للأسف هو انتى يا رحاب وكل المسلمين المعتدلين


الناس المعتدلة المثقفة اللى قالوا عليهم امبارح انت بتقول لا يبقى انت ضد الاسلام

ربنا يسترها على مصر

Tamer Nabil Moussa يقول...

ازيك فينوس اخبارك اية


انا قولت لا

ومهما كانت النتيجة بعد كدة


انا سعيد انى عارف ان صوتى مش هيروح هدر وانة راح فى مكانة


مع خالص تحياتى