الاثنين، مارس 14، 2011

لا لتعديل دستور فقد شرعيته





لا للتعديل والترقيع


المطلوب


دستور جديد لدولة مدنية تحترم شعبها وبها سيادة القانون


على الهامش كده

( كلنا طبعا او أغلبنا عارفين كويس الوضع الحالى ده لصالح مين )

لكن احب اقول كلمة

دم الشهداء اللى راحوا فى الثورة السلمية دى

دم المسلمين والمسيحين الشرفاء

اكييد مش هيروح هدر

والكلمة دى بوجهها للناس اللى قاصدة تودى مصر لطريق معين

وطبعا باينة بشايره


ربنا يحمى مصر

هناك 31 تعليقًا:

هبة فاروق يقول...

التعديلات الدستورية على ماعرفت انها مؤقتة حتى لا نرجع الى نقطة الصفر ونبدا من جديد فى وقت نحن فى حاجة الى الاستقرار والنهوض بمصر
والتعديلات هى مرحلة مؤقتة لحين وجود رئيس للدولة
تحياتى واحترم وجهة نظرك ولكنى افضل نعم من اجل مصر

Ms Venus يقول...

لا يا هبة

للأسف ده اللى بيحاول اتباع الوطنى ومعاهم الاخوان ترويجه للناس


الوضع الحالى والتعديلات الحالية لو اتوافق عليها

المستفيد من كده هما الحزب الوطنى والاخوان

ولو تلاحظى ان الحزب الوطنى بيعلن موافقته على التعديلات

والاخوان تعلن موافقتها على التعديلات

والسلفين بيعلنوا موافقتهم على التعديل ومساندتهم للأخوان


تفتكرى ده معناه ايه ؟


ده فخ ولازم كلنا ناخد بالنا منه

mrmr يقول...

لا يصلح ترقيع الدستور
انا مع التجديد
وربنا يستر من مصير مجهول لمصر

ثـــوره الــغضب يقول...

تجديد واصلاح

تجديد واصلاح

لا لترقيع

لا لتلطيخ

Tears يقول...

طبعا لا لترقيع دستور...لا لجعل يوم 19 مارس بداية لوأد الثورة...لا لبرلمان 50% عمال و فلاحين و لن ينتج سوى صورة غير معبره عن الشعب بل عن تيار بعينه

الاعلام غسل مخ الناس و ضللهم جدا و الاخوان و الوطنى ايد واحدة

اللى عايز بقول نعم ياريت يهدا و يقرا هنا عشان يشوف ح نتضر على المدى الطويل قد ايه..ده مش اهلى و زمالك

http://www.masrawy.com/News/Writers/AmmarAliHassan/2011/March/14/poll_const.aspx


و هنا

http://www.shorouknews.com/Columns/Column.aspx?id=406716

عدم الاستقرار هو الموافقه على التعديلات بس مفهمين الناس العكس..دى مش مؤقت ده باب للانقضاض على الثورة..ياريت نقرا الموضوعين و نفكر

لــــ زهــــــراء ــــولا يقول...

لا لسلق البيض

لولا

سندباد يقول...

الوضع الحالي ميسمحش باي تقصير او تضحية بالمكاسب اللي حققناها والموضوع في منتهي السهولة ومش فاهم هما مش عايزين يعملوا كده ليه
معظم الدول اللي حصل فيها ثورة او اسقلت زي دول الاتحاد السوفيتي السابق عملت مجلس رئاسي مؤقت لمد سنة عملت فيه دستور جديد وضمانات لتكوين الاحزاب
انا مش شايف اي وجه للاستعجال كلنا هانقول لاء عشان منرجعش لورا تاني

سواح في ملك اللــــــــــــــــــه- يقول...

يافينوس
مش معني اللي بيقول نعم انه تبع اتجاه
معين او بيفرط في دم الشهداء
بلاش انتي كمان تصدقي فزاعة الوطني والاخوان
يافينوس الشعب كله كان عازف عن الانتخابات الا قليلا
اللي كان بيروح الانتخابات قبل كده لايتعدي ال5 في المية ممن لهم حق التصويت
ومع ذلك ماحدش كان بينتخب الحزب الوطني الا شوية ناس كانوا بياخدولهم قرشين وعشان يكمل انتصاره
كان بيضم ليه المستقلين
ده ذائد التزوير اللي كان موجود
وحجم الاخوان لايتعدي 20 في الميه علي
اكتر تقدير
الناس صحيت ودي خطوة عي الطريق السليم
مافيش حد هينجح غير بالاغلبية
وماحدش طلب من حد يقول نعم او لا
بس المشاركة بالراي
عشان نرسخ الديمقراطية
لازم كلنا نروح ونشارك
بنعم او لا

Ms Venus يقول...

يا سواح

الدستور بوضعه الحالى ابعد ما يكون عن الديمقراطية

لان هينتج عنه مجلس شعب فاسد

مش كل الاحزاب هتبقى ممثلة فيه

سواح في ملك اللــــــــــــــــــه- يقول...

الدستور سقط
المواد دي هي المواد الاولية
وبعدين ليه منجربش ننتخب الاحزاب
مهي قدامنا
اللي عايز الوفد ماشي
واللي عايز الغد ماشي
واللي عايز الاخوان ماشي
وكمان انا سمعت ان فيه حزب مسيحي طالع
احنا هننتخب برامج
مش هننتخب اشخاص
طول مافية حرية
ونزاهة في الانتخابات
مافيش حد هيثتاثر بالسلطة
وحجة الاحزاب تاخد وقتها دي تضييع وقت
لان انا شايف ان ناس كتير خايفةمن
الوطني واخرين
واظنهم معروفين مش هيلبسوا طاقية الاخفاء
يعني هننتخب اللي احنا عايزينه
محدش هيجبرنا ننتخب حد

Ms Venus يقول...

اقراء البوست اللى مكتوب فى المدونة دى يا سواح



http://migomishmish.blogspot.com/

روعه الخيال ولوعه الواقع يقول...

دستور ايه.... دستووووور يااسيادنا

سواح في ملك اللــــــــــــــــــه- يقول...

قريتة كويس
بس لازم نشارك اللي هيشارك في الاستفتاء
صوتة هيفرق سواء بنعم او لا

سواح في ملك اللــــــــــــــــــه- يقول...

http://tahyyes.blogspot.com/2011/03/blog-post_14.html

عبد الرؤوف بن عبدالسلام (أبوهارون) يقول...

دستور جديد لدولة مدنية تحترم شعبها وبها سيادة القانون
هذا ما ننادي به في تونس

Boneta يقول...

لالالالالالالالا للترقيع
نعم لدستور جديد مدني يليق بنا كمصريين
ويحقق العدل والمساواه بين كل اطياف الشعب المصرب بمختلف انتماءاتهم ومعتقداتهم .
هنزل يوم 19 مارس اقول لالالالالا للتعديلات الدستوريه .

ابراهيم رزق يقول...

بصى يافينوس

انا كنت مع التعديلات مؤقتا لحين دستور جديد لكن لما لقيت اللى موافق الاخوان و الوطنى الفار لعب فى عبى مع انى متاكد ان الوطنى لو دخل انتخابات حقيقية و كل الناس شاركت هياخد على قفاه لكن خوفى من الاخوان لان الناس حاليا مفيش قدامها قوى سياسية منظمة غيرهم لذا انا حتى الان محتار لان الوقت مش فى صالحنا لان الجيش لا يجيد التعامل السياسى و ممكن صبره ينفذ فى اى لحظة لان البعض يحاول استفزازه من اجل مصلحته ربنا يستر

Days and Nights يقول...

الأخت الغاليه والعزيزة / فينوس

أنا معاكى مليون فى المية بإن الدستور ده مش نافع لازم يتغيًر .

أهم حاجة عندى وعند الكل حاليا الإستقرار الأمنى والغذائى للبلد.

الشعب مش فاضى غير للكلام فى السياسة والإضرابات والأعتصامات والمطالب الفئوية اليومين دول ، وناسى ينتج ويشتغل ... شعب بتاع كلام ومبسوط من كده.

مش عاوزين الجيش يحكم أكثر من 6 شهور لأنك مش تعرفى حجم الضغوط عليه قد أيه فى الفتره الحاليه والأيام القادمة ... وفيه مثل بيقول "الزن ع الودان أمًر من السحر"

فى حالة عدم الموافقه على التعديلات الدستوريه حاليا ... معناها إن الدستور القديم سارى المفعول حتى تغييرة .. العقل بيقول كده .


لازم إئتلاف شباب الثورة والإئتلافات الأخرى القائمة بأسم الثورة هى اللى تسرع وتعمل على قدم وساق وننظم نفسنا عشان يبقى لينا صوت احد وهو صوت الشعب إذا كنا فعلا عاوزين مناصب تعبر عن صوت الشعب فى المرحلة القادمة.


رئيس مصر إحنا اللى ح ننتخبه مش شعب تانى ... يعنى عارفين ح نثق فى مين ... وهو مش ح يكون رئيس بالمفهوم القديم لأنه عارف أنه أكيد ح يتحاسب لو غلط وإن الشعب رافض الصلاحيات كلها تبقى فى إيده.

نبتدى نجهز من دلوقتى لدستور جديد يطرح عليه إستفتاء شعبى تحت إشراف قضائى بعد الأنتهاء منه ويتم العمل به فورا فى حالة الموافقه عليه ... ويآخد بقى شهر أتنين زى ما يآخد المهم مش نعطل سير الدوله وعجلة الإنتاج والعمل عشان الدستور ... وطبعا كل ده فى ظل غياب أمنى وعدم وجود رئيس للبلد والبلطجيه فى تزايد ... وفتنه طائفية ... وهباب أرزق وإحنا اللى بنديهم فرصة لكده.

دمتى بكل الود

أخوك / تامر

حياه بلا عنوان يقول...

اكيد لو التعديلات دى هتكون فيها فيده على مصر وامان احنا مع التعديل
لكن لو هى فيده لناس ملهاش اى لازمه ودخله تعدل عشان تخرب فالاحسن بلاش منها خالص وربنا يسترها
تحياتى

فاروق سحير ( فاروق بن النيل ) يقول...

مس فينوس............
تعديلات الدستور:
المادة 75 اللي إتعدلت علشان ما حدش يحكم مصر يكون معاه جنسية أجنبية لا هو ولا زوجته.
المادة 76 اللي جعلت ممكن مرشح مستقل يقدر يرشح نفسه لمجلس الشعب بشرط الحصول على 30الف صوت من الناس, أو يكون عضو في حزب له عضو واحد على الأقل في البرلمان (بعد مكان لا يمكن حد يترشح غير بتوع الحزب الوطني)
المادة 77 : اللي خلت مدة الرئيس 4 سنوات بس ممكن تتجدد مره واحده تانية بس(بعد ماكانت المده مفتوحة إلى الأبد )
المادة88 : اللي رجعت الإشراف القضائي على الانتخابات من جديد.
المادة 93 : اللي خلت الفصل في عضوية عضو مجلس الشعب من خلال المحكمة الدستورية العلية علشان مايكونش حاجه تاني إسمها سيد قراره.
المادة 139 : ألزمت رئيس الجمهورية إنه لازم يعين نائب خلال 6 أشهر من إنتخابه.
المادة 148 : ودي بقى مهمه جدا لإنها جعلت لو حدث شيء في البلد يستدعي حالة الطواريء إن ممكن رئيس الجمهورية يعلن حالة الطواريء لكن لازم يعرضها على مجلس الشعب خلال 7 يوم فقط وتكون حالة الطواريء محددة بمدة 6 أشهر فقط ولا تجدد إلا بإستفتاء شعبي.
المادة 179 : تم إلغائها لإن المادة دي كانت بتسمح إن بيتي وبيتك يقتحموا بحجة الإرهاب .
المادة 189 : وهي اللي بتنظم طلب تعديل مواد الدستور او طلب عمل دستور جديد ولم تجعله في يد رئيس الجمهورية فقط ولكن لابد من موافقة مجلس الوزراء ونصف مجلسي الشعب والشورى .
المادة 189 مكرر : مهمة جدا لأنها أكدت أن بعد إقرار التعديلات مجلس الشعب المنتخب بعد التعديلات مباشرة في خلال 6 أشهر يكون لجنة من 100 عضو لوضع دستور جديد لمصر.
طيب بعد كده فيه كمان 201 مادة باقية
فيها بلاوى على سبيل المثال لا الحصر:
1-المادة 40 لم تذكر خضوع رئيس الجمهورية ورئيس الوزراء والوزراء ورئيس مجلس الشعب والشورى للتساوى والمحاسبة أمام القانون ( لاتمييز بينهم فى ذلك بسبب الجنس أو الأصل أو اللغة أو الدين أو العقيدة( المفروض تضاف فقرة أو المركز الوظيفى )
2- المادة 52 ( حق الهجرة الدائمة أو المؤقتة) تتعارض مع المادة 75 لجنسية رئيس الجمهورية )
3- المادة 71 يبلغ كل من يقبض عليه أويعتقل بأسباب القبض عليه أو إعتقاله....وإلا وجب الإفراج عنه حتما
توجب تنفيذ المادة 72 والتى تعطى للمحكوم له حق رفع الدعوة الجنائية مباشرة إلى المحكمة المختصة فإذا كانت المحكمة والقضاة تركوهما 30 عاما دون تنفيذ وجب معاقبة القضاة والمسؤلون عن مخافة الدستوروالقانون ومحاسبتهم وهذا يؤكد ضياع قيمة هذا الدستور
4-المادة 85 تعطى لرئيس الجمهورية المبرر للخيانة العظمى أو جريمة جنائية فى حالة إذا رفع شخص قضية ضده وليس له سند سوى وثائق ولم يتقدم باقتراح إلا ثلث أعضاء مجلس الشعب والثلثين لقرار الإتهام حتى لو كان القضاء يدينه
5- هذه المادة تعطى لمجلس الشعب سلطة التشريع ووضع الخطط للتنمية الإقتصادية والإجتماعية والموازنة العامة للدولة والرقابة على أعمال السلطة التنفيذية يجب تعديلها فهى مبررة للفساد
6-المادة 112 تعطى لرئيس الجمهورية حق إصدار القوانين والإعتراض عليها ( ياسلام على الحلاوة والبقلاوة ).
7-المادة 184 رئيس الجمهورية رئيس أعلى للشرطة ( يدبح فى الشعب زى ماهوه عايز موش رئيس حبيب العادلى)
8- لكل من رئيس الجمهوريةو مجلس الشعب طلب تعديل مادة أو أكثر فى الدستور ويعرض على المجلس للمناقشة طبعا موافقون يعنى خربوا بيتنا
كفاية كده عليكوا لحسن تموتوا منى عايزين بعد كده تقولوا إن ده دستور دا ساطور فوق رقابيكوا وإنتوا حرين

Ms Venus يقول...

ياريت كل اللى بيؤيد التعديل

يقراء البوست ده عند تيرز

http://tears-demo3.blogspot.com/2011/03/blog-post_15.html

الشاعر الفنان أحمد فتحى فؤاد يقول...

فينوس احترم رأيك و أؤيده

لكن كل أملي ان بلدنا الحبيبة مصر تستقر

ربنا يسترها علينا و علي مصرنا الحبيبة

تحياتي و تقديري

just dream يقول...

ربنا يسترها ياااااااااارب
واتمنى زى ماكلنا بينادى ان يكون عندنا ثقافه تقبل الراى الاخر حتى لو معارض لينا لان لكل منا وجهته وحساباته لكن فى الاخر اكيد كلنا وطنيين وبنحب البلد ونحب نشوفها احسن البلاد

♥نبع الغرام♥♪≈ يقول...

كلامك صح والله دا نفس كلامى

ربنا يستر يا حبيبتى
وتحيه كبيرة للشهداء سواء كان مسلمين او مسحين لانن قلب واحد

ربنا يرحمهم
حبيبتى

المهم بقا ياريت تنورينى وتشاركينى بعيد ميلادى وعيد ميلاد مدونتى
منظراكى بمدونتى

ذو النون المصري يقول...

املي كبير ان يكون لمصر ددستور يليق بحجمها التاريخي و عظمتها الحضارية
و يليق بحجم طموحات شعبها العظيم
قرات وجهات نظر للممؤيدين و الرافضين للدستور لكن في النهاية اتمني الافضل للبلاد
اتمني غياب كل وجه قميء شارك في المسيرة السابقه او شارك و لو بالسكوت عن نصح النظام السابق
انني اؤيد تغيير حتي شيخ الازهر و المفتي و البابا شنودة ايضا
كل الوجوه القديمة يجب ان ترحل

Tears يقول...

شوفى ده

http://www.youtube.com/watch?v=AhStDvGH3zA

BNT ELISLAM يقول...

انا لحد الان مش عارفه اححد موقفى نهائى بصراحه ومتردده


بين المصلحه والعجله تمشى
وبين ان البنيه كلها تتبنى صح

Heba Salem Youssef يقول...

ربنا يقدم اللى فيه الخير
وانا قلبى مطمئن للا
وبالطبع حجة الاختارين معروفة لدى الجميع
ربنا ييسر الخير للجميع

Tears يقول...

خدى ده عشان ما تتخضيش لو طلعت نعم

استمارات الاستفتاء موجوده فى الشارع من يومين و فيه ناس بتاخد صور الرقم القومى بتاع الغلابة مقابل زيت و مكرونة و هنا دليل ان الاستمارات عادى موجودة و ان اسلوب الاستمارة الدوارة شكله بيطبخ
https://www.facebook.com/album.php?fbid=1474234594941&...id=1805970597&aid=54054
See more

وردة الجنة يقول...

مظبوط كلامك حبيبتى وان شاء الله كلنا نقول لا وميروحش دم الشهداء هدر

وربنا يوفقنا جميعا عشان نعمل حاجة لمصر ومنسمحش لاى فتن او اى دخيل بينا

تقبلى مرورى

سَارةٌ يقول...

رَِبِنَـآ يُستُـرْ .. :)