علشان مش بس اكون بكتب عن السلبيات
مظهر جميل
والأجمل منه انه يكون من القلب
مظهر جميل
والأجمل منه انه يكون من القلب
ياريت كل الناس بتفكر زى حضرتك يا شيخ اسامة
ما زلت لا أصدق أن أحدًا قد يموت لأن قلبه انكسر. لكني أعرف الآن أن من الممكن أن تشعر وكأنك ميت
هناك 38 تعليقًا:
جميل اوى يا فينوس و لازم نشجع الناس الكويسة دائما لان التركيز على السىء بس ممكن يؤذى نفوس سليمة كمان
هنا فيديو من داخل مسجد و فيه حشد كبير و يتحدث عن المسيحيين...اسمعيه لترى بنفسك ان الحياة مش كلها اسود
http://www.youtube.com/watch?v=wXt_V386Tnw&sns=em
النهاردة فى التحرير كان الهتاف مسلم مسيحي كلنا مصريين ايد واحدة
احترامى الشديد للشيخ اسامة
بجد انسان ذو عقل وضمير
ياريت الناس كلها كده
انا هنزل الفيديو كمان مع فيديو العلم
فى أوجه كتير مُنيرة يا فينوس
بس يا رب يبعد عننا الشياطين
بصي يافينوس
احنا لازم ندعوا لمحاربة الطائفية
لان الطائفية باب لدخول الفتن
والقضاء علي الشعوب
امين يا رامى
ربنا يبعد عننا كلنا وعن مصر اى شر
سواح
انا معاك وموافقاك
ودى اهم خطوة لازم نعملها الايام الجاية
لاننا فى الثورة دى زى ما نادينا ان النظام الفاسد يرحل بكل اعوانه
ومش بس كده لا ونادينا نفسنا كمان ان اى حد فينا كان بيعمل اى شىء غلط يبعد عنه
لازم كمان انا وانت وتيرز ورامى وكلنا
واى حد عنده عقل وضمير وبيحب مصر من قلبه بجد
ينادى لا للطـــائفية
وكل واحد فى طريقه وبطريقته
الحمد لله انا سعيدة انك شاهدتى هذا الشيخ فهو مثل رائع لكل مسلم
حفظنا الله جميعا من كل سوء وشر وحفظ الله مصر من كل فتنة
تحياتى لاجمل فينوس
بدون شك يوجد نماذج جميله الواحد يعتز ويفتخر بعقليتها
العالم ليس دائما ليل ولا دائما نهار فهناك قلوب ناصعه البياض وهناك قلوب حالكه السواد كما يوجد خير وشر وشمش وقمر ظلمه ونور هكذا يوجد بين البشر من لهم عقول مستنيره
ربنا يفتح قلوبنا جميعا لننظر الى الجانب المضى من حياه كل البشر
تحياتى
لمحة جميلة منك فينوس
ان دلت علي قلب رقيق عادل مثل قلبك
تحياتي لك ياحبي
فينوس
فاكرة لما قلت لك ان إحنا اخوات بجد
و اننا خيوط متشابكة تشكل نسيج هذا الوطن
ده يثبت كلامي
عاشت وحدتنا بكل حب
و عاشت مصر بلدنا حرة عزيزة مستقلة امنه
دمتي بخير اختي العزيزة
تحياتي و تقديري
روعه يا فيو روعه
بس ردى على البوست اللى فات ياريت لما تقبلى اللى مابيحبش المسحين ماتزعليش لانى انا كمان بقابل اللى مابيحبش المسلمين وبيكفرهم بردو النفوس المريضه فى كل حته ومش معنى وجودها انها الاساس ابدااااااااااااا واعتقد اننا كلنا شوفنا الاساس فى الحرير وفى شورعنا
مليون ورده لاجمل صاحبه ورد
الحمد لله ان المسيحي
والمسلم عرفوا انهم
شئ واحد كلهم مصريون
علي ارض واحده
لا يوجد فرق بين مسلم وقبطي
تحياتي
فينوس
اسف للتأخير في الرد
مشكلتنا يافينوس في الوطن دة الاستبداد
معركتنا مش سهلة لو تخلصنا من الاستبداد وغيرنا كمان افكار الناس للاحسن واخلاقهم للاحسن
مصر هتبقي اعظم بلد في العالم
وانتي اكيد تابعتي المسلمين والمسحيين في التحرير كانوا ازاى
هي دى مصر اللي احنا عاوزينها
تحياتي
الأخت الغالية والعزيزة / فينوس
أنا متأكد من التآخى دا والمحبة ... وقلتلك قبل كده ... بإذن الله الثورة دى ح تغير حاجات كتير فى الناس ... كفايه إن الناس بقت تضحك لما بتشوف بعض ... يعنى الإبتسامة رجعت فى وجوه الخلق تانى يا فينوس ... وإن شاء الله منصورين .
ألف مليون شكر ليكى يا أجمل قلب ... ودمتى بكل حب .
ادعى بس الكلام ده يدوم يا فينوسة مش مجرد كلام فى وقت زنثة وترجع ريمة
انا اغلب زمايلى مسلمين وعلاقتنا زى الفل اكتر من زمايلى المسيحيين..بس يارب الحكومه كمان تعامل الكل زى بعض ..مش يسيبو ناس تعمل ثورات وناس يتضربوا بالرصاص الحى وهما عزل..الكل يتعامل زى بعض والمخطئ يتجازى
فينوس
صدق يقيني في معدن الشعب المصري وصدقت حين إهتزت ثقتك في معاملات المصريين وإن أختلفت العقيدة
لك مني كل المودة التي أودها لأخواني وأخواتي المسيحيين التي دوما عاشت متماسكة فهم يعلرفوني كما أعرفهم
أتعلمي
يوم أن كان تفجير القديسين تمنيت لو تحدثت معك كثيرا وحاورتك خارج أوراق المدونات
الأصل
ذات قلب نقي أنت فينوس
أسعدك الله
هبة فاروق
ايوة يا هبة مثل رائع
وياريت الكل بيفكر زيه
مرمر
امين يارب
وربنا يحافظ على مصر ويبعد عنها الشياطين
كارمن
ربنا يحافظ على مصر
ويكون الكل بيفكر زى الشيخ اسامة
الشاعر الفنان احمد فتحى فؤاد
نفسى يكون الاحساس ده دايما من القلب يا استاذ احمد
وربنا يبعد عننا كلنا وعن مصر كل شر
مارو يا حبيبتى
وارد جدا ان البشر تختلف فى كل العام
مش فى مصر بس
ونختلف مع بعض لكن بنحترم بعض
المشكلة اللى اتكلمت عنها يا مارو فى فى كلمة تكفير
المشكلة عندى فى الدم
يا ستى انا قابلة انى يتقال عليا كافرة
لكن ان دمى يتحلل دى هى الكارثة
فهمتينى ؟
ارق ورداية ليكى يا احلى مارو
كارولين
بتمنى من قلبى معاكى ان الكل يفهم كده
حتى لو اختلفنا فى الفكر والدين
فى الاخر احنا مصريين
هيثم
ايوة موافقاك
بس نغير ازاى افكار الناس
ده سؤالى من البوست الى فات
نغير ازاى؟
Days and Nights
بتمنى معاك صدقنى ان الافكار الغلط دى كلها تتغير
ياريت
قطة
بدعى يا قطة صدقينى بدعى
وبقوول يارب استر من بكرة
مونى
الحكومة وناس تانية كتير كل همها انها تبعد الناس عن بعضها
ربنا يحمينا ويحمى مصر كلها منهم
احمد الصعيدى
ايوة يا احمد
المصريين وقت الشدة بيبانوا
لكن فى ناس دخيلة وفكر دخيل
هو ده اللى انا بقصده
ربنا يرحمنا ويحمينا منهم
واشكرك جدا على اللافتة الرقيقة منك
لو كلنا نحب بعض
لو كلنا نخاف على بعض
لو كلنا نعيش سعداء مع بعض
ستكون الدنيا غير الدنيا وتكون الحياه ممتعه وجميله
تمنياتى لكل العرب بحياه افضل وتمنياتى لكى بالسعاده
تقبلى تحياتى الاحــــــــــــلام
عارفه يا فينوس
كلنا بنفكر كده
كنا بنصلى فى الشارع العصر واخوانا المسحين عاملين حولينا كردون بجسمهم بيحمونا من مسلمين تانين مش مخلينا نصلى للربنا وربهم
مافيش فى بلدنا مسلم ومسحيى الا عند النظام فقط
وهو بس الى كان بياكد المعنى ده بس بيحط السم فى العسل
لكن بينا وبين بعض عمرى عمرى ما حسيتها ابداً...ولا اصحابى
تحياتى
فينوس
لاشكر علي حق
فالاحترام الموجود في أوراق مدونتك وعلي صفحات الاخرين ومنهم الشاعر الصعيدي هو من نسج تلك الاحرف وصدقيني تمنيتها بإحساس عميق
لك مني كل احترام وتقدير و
بعض من كلمات خبأتها
منها
تقديري لقلمك وحسك
فينوس الجميلة أولا وحشتينى جدا جدا
واعتذر بجد عن التقصير
ولكن غيابى بسبب ظروف صحية
ثانيا معجبة جدا بطريقة تفكيرك
فعلا لازم نركز ونعرض المثل الكويس بد ماعلى طول سيء تعرفي ان في بعض الناس ضعيفي الايمان لما يلاقي حد وحش يقولك طب ماهو في غيرى يعنى مش هدخل النار لوحدي
دمت متألقة حبيبتي
تعرفى ان معظم اصدقائى مسيحين وبحبهم اوى
ومخلصين عن اللى من دينى
الحمد لله
وبشكرك اوى على التدوينه الجميله دى اووووووووووووى
بحبك
ايناس
و الله العظيم الموضوع مصالح فى ناس مصلحتها فى كده
فى منظمات مجتمع مدنى اكل عيشها على هذا
وحكومة فاسدة مصلحتها تلهى الناس عن الفساد
اللى يبيت ليلة فى ميدان التحرير يعرف ان كل الفتنة دى قشور لكن تحت السطح محبة و اخوة و تاريخ و عشرة و انشاء الله القشرة تنهار و يبقى القلب النابض بالعشق لهذا الوطن
خالص تحياتى
تحية طيبة...
مدونة جميلة وادراج اجمل...سررت بالتعرف عليها...
دمت بخير...
الصحفى عماد فواز يحصل على وثيقة تدين الداخلية فى حادث القديسيين
الوثيقة على الرابط اسفل
http://www.facebook.com/photo.php?fbid=10150103917484070&set=a.10150103914349070.286853.604059069
ربنا ينتقم من الظلمه اللى ماعندهم رحمه
فينوس فاكرة لما كنت دايما بعارض نظام مبارك و قلتلك مرة ان هو بيشتغل عشان يرضى اسرائيل من اول بيع الغاز باقل من ثمن تكلفته لغاية قتل شعبه فى كنيسة القديسيين؟
اليوم السابع تنشر وثيقة تثبت ان الداخلية هى من قامت بتفجير القديسيين
http://www.youm7.com/News.asp?NewsID=362418&SecID=12
لازم نقول لكل الناس عشان مصر ترجع حلوة تانى
we were living with criminals
http://yfrog.com/hs9zzmfj
إرسال تعليق