الجمعة، فبراير 25، 2011

وجه مشرق

لإننا واحد بجد .. لازم نفهم ده

بقولها لكل متعصب بيكره اخوه









علشان مش بس اكون بكتب عن السلبيات

مظهر جميل

والأجمل منه انه يكون من القلب





ياريت كل الناس بتفكر زى حضرتك يا شيخ اسامة


هناك 38 تعليقًا:

Tears يقول...

جميل اوى يا فينوس و لازم نشجع الناس الكويسة دائما لان التركيز على السىء بس ممكن يؤذى نفوس سليمة كمان

هنا فيديو من داخل مسجد و فيه حشد كبير و يتحدث عن المسيحيين...اسمعيه لترى بنفسك ان الحياة مش كلها اسود

http://www.youtube.com/watch?v=wXt_V386Tnw&sns=em

النهاردة فى التحرير كان الهتاف مسلم مسيحي كلنا مصريين ايد واحدة

Ms Venus يقول...

احترامى الشديد للشيخ اسامة

بجد انسان ذو عقل وضمير

ياريت الناس كلها كده


انا هنزل الفيديو كمان مع فيديو العلم

Ramy يقول...

فى أوجه كتير مُنيرة يا فينوس


بس يا رب يبعد عننا الشياطين

سواح في ملك اللــــــــــــــــــه- يقول...

بصي يافينوس
احنا لازم ندعوا لمحاربة الطائفية
لان الطائفية باب لدخول الفتن
والقضاء علي الشعوب

Ms Venus يقول...

امين يا رامى

ربنا يبعد عننا كلنا وعن مصر اى شر

Ms Venus يقول...

سواح

انا معاك وموافقاك

ودى اهم خطوة لازم نعملها الايام الجاية

لاننا فى الثورة دى زى ما نادينا ان النظام الفاسد يرحل بكل اعوانه


ومش بس كده لا ونادينا نفسنا كمان ان اى حد فينا كان بيعمل اى شىء غلط يبعد عنه

لازم كمان انا وانت وتيرز ورامى وكلنا

واى حد عنده عقل وضمير وبيحب مصر من قلبه بجد

ينادى لا للطـــائفية


وكل واحد فى طريقه وبطريقته

هبة فاروق يقول...

الحمد لله انا سعيدة انك شاهدتى هذا الشيخ فهو مثل رائع لكل مسلم
حفظنا الله جميعا من كل سوء وشر وحفظ الله مصر من كل فتنة
تحياتى لاجمل فينوس

mrmr يقول...

بدون شك يوجد نماذج جميله الواحد يعتز ويفتخر بعقليتها
العالم ليس دائما ليل ولا دائما نهار فهناك قلوب ناصعه البياض وهناك قلوب حالكه السواد كما يوجد خير وشر وشمش وقمر ظلمه ونور هكذا يوجد بين البشر من لهم عقول مستنيره
ربنا يفتح قلوبنا جميعا لننظر الى الجانب المضى من حياه كل البشر
تحياتى

Carmen يقول...

لمحة جميلة منك فينوس
ان دلت علي قلب رقيق عادل مثل قلبك
تحياتي لك ياحبي

الشاعر الفنان أحمد فتحى فؤاد يقول...

فينوس

فاكرة لما قلت لك ان إحنا اخوات بجد
و اننا خيوط متشابكة تشكل نسيج هذا الوطن

ده يثبت كلامي

عاشت وحدتنا بكل حب

و عاشت مصر بلدنا حرة عزيزة مستقلة امنه

دمتي بخير اختي العزيزة

تحياتي و تقديري

richardCatheart يقول...

روعه يا فيو روعه

بس ردى على البوست اللى فات ياريت لما تقبلى اللى مابيحبش المسحين ماتزعليش لانى انا كمان بقابل اللى مابيحبش المسلمين وبيكفرهم بردو النفوس المريضه فى كل حته ومش معنى وجودها انها الاساس ابدااااااااااااا واعتقد اننا كلنا شوفنا الاساس فى الحرير وفى شورعنا


مليون ورده لاجمل صاحبه ورد

;كارولين فاروق يقول...

الحمد لله ان المسيحي
والمسلم عرفوا انهم
شئ واحد كلهم مصريون
علي ارض واحده
لا يوجد فرق بين مسلم وقبطي
تحياتي

Haytham Alsayes يقول...

فينوس

اسف للتأخير في الرد
مشكلتنا يافينوس في الوطن دة الاستبداد
معركتنا مش سهلة لو تخلصنا من الاستبداد وغيرنا كمان افكار الناس للاحسن واخلاقهم للاحسن
مصر هتبقي اعظم بلد في العالم
وانتي اكيد تابعتي المسلمين والمسحيين في التحرير كانوا ازاى
هي دى مصر اللي احنا عاوزينها

تحياتي

Days and Nights يقول...

الأخت الغالية والعزيزة / فينوس

أنا متأكد من التآخى دا والمحبة ... وقلتلك قبل كده ... بإذن الله الثورة دى ح تغير حاجات كتير فى الناس ... كفايه إن الناس بقت تضحك لما بتشوف بعض ... يعنى الإبتسامة رجعت فى وجوه الخلق تانى يا فينوس ... وإن شاء الله منصورين .

ألف مليون شكر ليكى يا أجمل قلب ... ودمتى بكل حب .

Desert cat يقول...

ادعى بس الكلام ده يدوم يا فينوسة مش مجرد كلام فى وقت زنثة وترجع ريمة

mony يقول...

انا اغلب زمايلى مسلمين وعلاقتنا زى الفل اكتر من زمايلى المسيحيين..بس يارب الحكومه كمان تعامل الكل زى بعض ..مش يسيبو ناس تعمل ثورات وناس يتضربوا بالرصاص الحى وهما عزل..الكل يتعامل زى بعض والمخطئ يتجازى

أحمد الصعيدي يقول...

فينوس


صدق يقيني في معدن الشعب المصري وصدقت حين إهتزت ثقتك في معاملات المصريين وإن أختلفت العقيدة


لك مني كل المودة التي أودها لأخواني وأخواتي المسيحيين التي دوما عاشت متماسكة فهم يعلرفوني كما أعرفهم

أتعلمي

يوم أن كان تفجير القديسين تمنيت لو تحدثت معك كثيرا وحاورتك خارج أوراق المدونات

الأصل

ذات قلب نقي أنت فينوس

أسعدك الله

Ms Venus يقول...

هبة فاروق


ايوة يا هبة مثل رائع

وياريت الكل بيفكر زيه

Ms Venus يقول...

مرمر

امين يارب

وربنا يحافظ على مصر ويبعد عنها الشياطين

Ms Venus يقول...

كارمن

ربنا يحافظ على مصر

ويكون الكل بيفكر زى الشيخ اسامة

Ms Venus يقول...

الشاعر الفنان احمد فتحى فؤاد


نفسى يكون الاحساس ده دايما من القلب يا استاذ احمد


وربنا يبعد عننا كلنا وعن مصر كل شر

Ms Venus يقول...

مارو يا حبيبتى

وارد جدا ان البشر تختلف فى كل العام

مش فى مصر بس

ونختلف مع بعض لكن بنحترم بعض

المشكلة اللى اتكلمت عنها يا مارو فى فى كلمة تكفير

المشكلة عندى فى الدم


يا ستى انا قابلة انى يتقال عليا كافرة

لكن ان دمى يتحلل دى هى الكارثة

فهمتينى ؟


ارق ورداية ليكى يا احلى مارو

Ms Venus يقول...

كارولين

بتمنى من قلبى معاكى ان الكل يفهم كده


حتى لو اختلفنا فى الفكر والدين

فى الاخر احنا مصريين

Ms Venus يقول...

هيثم

ايوة موافقاك

بس نغير ازاى افكار الناس

ده سؤالى من البوست الى فات


نغير ازاى؟

Ms Venus يقول...

Days and Nights


بتمنى معاك صدقنى ان الافكار الغلط دى كلها تتغير


ياريت

Ms Venus يقول...

قطة

بدعى يا قطة صدقينى بدعى

وبقوول يارب استر من بكرة

Ms Venus يقول...

مونى


الحكومة وناس تانية كتير كل همها انها تبعد الناس عن بعضها

ربنا يحمينا ويحمى مصر كلها منهم

Ms Venus يقول...

احمد الصعيدى

ايوة يا احمد

المصريين وقت الشدة بيبانوا

لكن فى ناس دخيلة وفكر دخيل

هو ده اللى انا بقصده

ربنا يرحمنا ويحمينا منهم

واشكرك جدا على اللافتة الرقيقة منك

الاحلام يقول...

لو كلنا نحب بعض
لو كلنا نخاف على بعض
لو كلنا نعيش سعداء مع بعض
ستكون الدنيا غير الدنيا وتكون الحياه ممتعه وجميله
تمنياتى لكل العرب بحياه افضل وتمنياتى لكى بالسعاده
تقبلى تحياتى الاحــــــــــــلام

momken يقول...

عارفه يا فينوس
كلنا بنفكر كده

كنا بنصلى فى الشارع العصر واخوانا المسحين عاملين حولينا كردون بجسمهم بيحمونا من مسلمين تانين مش مخلينا نصلى للربنا وربهم

مافيش فى بلدنا مسلم ومسحيى الا عند النظام فقط
وهو بس الى كان بياكد المعنى ده بس بيحط السم فى العسل

لكن بينا وبين بعض عمرى عمرى ما حسيتها ابداً...ولا اصحابى


تحياتى

أحمد الصعيدي يقول...

فينوس


لاشكر علي حق

فالاحترام الموجود في أوراق مدونتك وعلي صفحات الاخرين ومنهم الشاعر الصعيدي هو من نسج تلك الاحرف وصدقيني تمنيتها بإحساس عميق

لك مني كل احترام وتقدير و

بعض من كلمات خبأتها

منها

تقديري لقلمك وحسك

اسماء عبدالعزيز يقول...

فينوس الجميلة أولا وحشتينى جدا جدا
واعتذر بجد عن التقصير
ولكن غيابى بسبب ظروف صحية
ثانيا معجبة جدا بطريقة تفكيرك
فعلا لازم نركز ونعرض المثل الكويس بد ماعلى طول سيء تعرفي ان في بعض الناس ضعيفي الايمان لما يلاقي حد وحش يقولك طب ماهو في غيرى يعنى مش هدخل النار لوحدي

دمت متألقة حبيبتي

♥نبع الغرام♥♪≈ يقول...

تعرفى ان معظم اصدقائى مسيحين وبحبهم اوى

ومخلصين عن اللى من دينى

الحمد لله
وبشكرك اوى على التدوينه الجميله دى اووووووووووووى

بحبك
ايناس

ابراهيم رزق يقول...

و الله العظيم الموضوع مصالح فى ناس مصلحتها فى كده
فى منظمات مجتمع مدنى اكل عيشها على هذا
وحكومة فاسدة مصلحتها تلهى الناس عن الفساد
اللى يبيت ليلة فى ميدان التحرير يعرف ان كل الفتنة دى قشور لكن تحت السطح محبة و اخوة و تاريخ و عشرة و انشاء الله القشرة تنهار و يبقى القلب النابض بالعشق لهذا الوطن
خالص تحياتى

الموسوعة الحرة يقول...

تحية طيبة...
مدونة جميلة وادراج اجمل...سررت بالتعرف عليها...
دمت بخير...

غير معرف يقول...

الصحفى عماد فواز يحصل على وثيقة تدين الداخلية فى حادث القديسيين

الوثيقة على الرابط اسفل

http://www.facebook.com/photo.php?fbid=10150103917484070&set=a.10150103914349070.286853.604059069

ربنا ينتقم من الظلمه اللى ماعندهم رحمه

Tears يقول...

فينوس فاكرة لما كنت دايما بعارض نظام مبارك و قلتلك مرة ان هو بيشتغل عشان يرضى اسرائيل من اول بيع الغاز باقل من ثمن تكلفته لغاية قتل شعبه فى كنيسة القديسيين؟


اليوم السابع تنشر وثيقة تثبت ان الداخلية هى من قامت بتفجير القديسيين

http://www.youm7.com/News.asp?NewsID=362418&SecID=12


لازم نقول لكل الناس عشان مصر ترجع حلوة تانى

غير معرف يقول...

we were living with criminals


http://yfrog.com/hs9zzmfj