الثلاثاء، فبراير 22، 2011

ابتـدينا ؟؟ !!









من اسبوع جواهرجى مسيحى اتقتل

لا اتدبح زى الخرووف


والنهاردة كاهن بيندبح بردو بنفس الطريقة

فى اسيوط !!


انا مش هعلق

لانى مش فاهمة

او جايز فاهمة وخايفة اصدق اللى فهماه

واكتبه


اقروا








هناك 20 تعليقًا:

سواح في ملك اللــــــــــــــــــه- يقول...

مش عارف بس انا حسس ان الموضوع
مش طائفي
وافتكر ان شيئا ما يدبر
لاشعال الفتنة في مصر
لان لو خدناها بالعقل كدة
مش من مصلحة اي طرف انشاء عداوات في الوقت الحالي

Tears يقول...

ملاحظة ان اسيوط من المحافظات التى لم تنهار فيها الشرطة اساسا و موجودة بكامل طاقتها؟

صدفة قسيس يتقتل وصدفة الناس تتظاهر عشان اتقتل وصدفة ناس تتظاهر عشان تهد كنيسة وصدفة تتحرق بيوت البهائيين و صدفة تطلع مظاهرة مع بقاء الماده التانية و اخرى ضدها مع انها اصلا مش مطروحة للتعديل؟؟

أمن الدولة لسه لم تحل كما طالبنا و بتلعب على الوتر ده و هنا الدليل

هنا وثائق تثبت

http://www.dostor.org/politics/egypt/11/february/17/36452

http://www.dostor.org/crime/11/february/22/36822

الحل مش الرعب كى لا نصبح وقودا للثورة المضاده...الحل فى مواصلة الثورة و الاصرار على تطهير البلاد من اعوان النظام و حل امن الدولة خاصة انه طبقا لاعترافات حبيب العادلى تابع للريس المخلوع مباشرة و الذى مازالت فلوله تأمل فى افشال الثورة و اهم سلاح لهم هو الفتنة و طبعا ح يفضلوا يعملوا نفس اللى عملوه فى القدسيين و الذى لم يكن بعيد عن اسرائيل و يحقق اهدافها كما ذكروا فى صحافتهم ان مبارك كان ينفذ سياستهم

http://www.youm7.com/News.asp?NewsID=352118&SecID=285

عبد الرؤوف بن عبدالسلام (أبوهارون) يقول...

http://www.youtube.com/watch?v=Ox8yGIeO9VA
هذه خطة دنيئة من بقايا النظام السابق
abderraouf

غير معرف يقول...

ده رد فعل فورى من اللواء حسن عبد الرحمن رئيس مباحث أمن الدولة على قرار القوات المسلحة نجميد صلاحياته تمهيدا لاقالته و محاكمته

دائما لنعرف من الجانى نسأل من له مصلحة و فى هذا التوقيت بالذات

البابا شنودة فاهم جدا و ده منعكس فى ردود افعاله من فترة

شهر زاد يقول...

حبيبتي
ان تضامن المسيح والمسلمين في مصر يقلق اعداء الاستقرار
ويفسد خططهم
فالامر ليس طائفيا ولا عقاديا
بل هو سياسي محض
لا تضعفوا حبيبتي ولا تتفكوا ولا تتبادلوا التهم فهذا مقصدهم
رحم الله القتلى
وانار دربكم بمشكاة الحكمة والصبر
تحياتي

♥نبع الغرام♥♪≈ يقول...

امممممممممممممم

ليييييييييه

ومين له مصلحه فى كده

تساؤلالالالات كثيرة ؟؟؟؟

ليس لها اجابه

يارب سلم من الشر
يارب احمى مصر وابعد عنها الفتنه

Ramy يقول...

مش عارف يا فينوس

بس حاسس أن ممكن يكون من الحكومة حقيقى

لأن أنا كُنت متوقع كدة من فترة بدرى عن كدة

أن يعملوا فى كنيسة و لا حاجة بس كنت عارف ان الحكومة هى اللى هتعمل كدة

بس هما طلعوا أخبث الصراحة

أحنا هنصلى للى ماتوا و نصلى ان ربنا يكشف الحقيقة أكتر و اكتر علشان محدش يتظلم

و علشان مصر متهش مننا بقى

ربنا معانا كلنا


و صدقينى هتتكشف الحقيقة قريب

faroukfahmy يقول...

يا فينوس ... انا اقر ان هذا الموضوع يحتاج الى وقفة صريحة مننا جميعا مسيحيين ومسلمين ما ذنب حؤلاء الناس التى تروح ارواحهم هدرا وياربت بطريقة آدمية ولكن بطريقة حيوانيةوحشية مثيرة .. واشمعنى هذا يحدث للمسيحيين بالذات وهذه الارض ولدتهم وتربوا فى احضان وديانهاوجنسيتهم تحمل المصرية مفيش حاجة اسمها مسلم ومسيحى حتى اننى طالبت فى احدى مدوناتى ان يراعى عند تعديل الدستور بان تطبق الشريعة التى تتفق مع كل دين وليست الشريعة قاصرة على الدين الاسلامى فقط كأن الطائفية فى دمنا منذ الجاهاية الاولى ولك اسمى تحياتى

Boneta يقول...
أزال المؤلف هذا التعليق.
Casper يقول...

حقاً علامات استفهام كثيرة أمام ما يحدث
لكن بإمعان النظر في ما يحدث أحسبها أيد خفية تريد العبث بأمن هذا الوطن وبشعبه تلك الأيدي لا دين لها ولا ملة كي نقول لهم لما فعلتوا هذا

لا أدري ماذا أقول لهم سوى
حسبنا الله ونعم الوكيل

وأسال الله أن يحفظ هذا الوطن من كل سوء
اللهم آمين

محب روفائيل يقول...

ربنا يلطف واللى عمل كده يتحاكم .

على فكرة أنا من أسيوط وشطب اللى حصل فيها المجزرة دة جنبينا لزق

بس أنا برضه مش عارف أقول أيه

!!!!!!!!!!!!!!

غير معرف يقول...

مفهوم اكيد يا فينوس لاشعال الفتنه من جديد فى مصر
بس الشعب فاهم وواعى من اللى بيعملوه
وبجد كفايه لحد كدا دى ارواح ملهاش اى ذنب لا حول ولا قوة الا بالله
ربنا يستر يااارب

mrmr يقول...

محتاجين نصلى ان ربنا يلمس قلوب من ماتت فى قلوبها الرحمه
فلا تتالمى عزيزتى فدموعنا محصاه دمعه دمعه فالرب قادر ان يمسح دموعنا
ويجبر كسرنا

Boneta يقول...

58 farouk fahmy
انا مش عارفه اشكرك ازاي كل اللي اقدر اقوله انك انسان محترم و عندك ضمير بعكس ناس كتير جدااا ضميرهم مات من زمان وبيحسوا بنشوه في صرخه الم غيرهم انا بعتبرهم مرضي محتاجين علاجات نفسيه .
اشكر انسانيتك واحترامك لعقولنا
تحياتي

Carmen يقول...

طب مايمكن الهدف هو السرقة

لــــ زهــــــراء ــــولا يقول...

مين ليه مصلحة ان ده يحصل ودلوقتي؟ بعد ما انكشف ان المسلمين والمسيحيبن يد واحدة وانكشفت الكدبة اللي طالما حبيب العادلي حاول يشير اليها من تحت لتحت ان فيه فتنة طائفية وفجاءة لما الكنيسة ميبقاش عليها حارس شرطي واحد واللي بيحميها جرجس ومحمد اكتشفنا ان الفتنة دي وهم كبير كانوا بيحاولوا يزرعوه بنا عشان نخاف من بعض ... وده نتيجة طبيعية انهم يزرعوها بينا تاني عشان ده ما يسمى بالثورة المضادة..مش انتوا عايزين حسنس يتشال وحبيب يتسجن وعز وجرانة والمغربي يتسجنوا وقضايا الفساد تكشف طب ما تيجوا نلعب معاكوا لعبة نلهيكم عن ده كله واللعبة اسمها الثورة المضادة ما تيجوا نهيج العمال اللي مستنين حد يتك على وجيعتهم عشان يطلعوا بمطالب فئوية ما تيجوا نتك على طيبة المصريين ونقولهم ان الريس ياحرام هيموت وعنده غيبوبة وووو ما تيجوا ماتجيوا... تيجي يافينوس اقولك حاجة تيجوا اقولكم حاجة... تيجوا منصدقهمش .... احنا ظهرنا كان مكشوف الايام اللي فاتت حد فينا هجم على التاني وطعنه في ظهره ولا في وشه؟
تيجوا منصدقش ...تيجوا مندهومش الفرصة انهم يزرعوا اسلاك شايكة بنا... تيجوا نقولهم ل"أ احنا فهمنا ومش هنصدق؟ مستنية ردك

لولا

Boneta يقول...

carmen
ده علي اساس ان الشرطه بتاعتنا الجميله الاموره هي اللي قالت كده ؟
فا بالتالي احنا هبل وسذج وهانصدقهم
لا مش مصدقينهم لانهم غير اهل للثقه اساسا وعلشان الكل يرتاج الكاهن ده كانوا اهدروا دمه من سنين وبينه وبين الجماعات الاسلاميه طار قديم وسنه 2009 لفقوا له تهمه مع الامن (كالعاده) وحرضوا عليه في موقع المرصد الاسلامي واتهموه انه بيتعامل مع اقباط المهجر (دا علي اساس انهم صهاينه) مش فاهمه برضه وانه بيستقوي بالخارج كمان (التهم الجاهزه اياها ) وطبعا وبعد اول اجتماع للجماعه المشئومه في اسيوط بعد غياب دام 20 سنه كان خروف العيد اللي ضحوا بيه هو الاستاذ حمايه وهو جواهرجي مسيحي وطبعا الاعلام الشريف كتم علي ديانته وبعدها باسبوع قاموا ضحوا بابونا داود وبرضه تم نحــــره بنفس الطريقه وعلي فكره في معلومه مؤكده من اصدقاء ليا ليهم صله نسب مع الجواهرجي قالولي ان اللي قتل الجواهرجي طعنه في رقبته في شريان معروف بانه متصل بالقلب مباشره والدكتور اللي كشف علي الجثه قال ان القاتل كان فاهم كويس بيعمل ايه لان الطعنه ما كانتش عشوائيه وان الشريان ده بالتحديد اذا اتصاب بينزف بشده وبيتوفي الشخص خلال دقائق معدوده وده اللي حصل بالظبط مع الجواهرجي .
والقسيس نفس الشيء حصل معاه
واجيي لسؤالك ليه مش سرقه؟ صح معاكي حق ليه مش يكون حادث سرقه ونخلص ؟اقولك انا لان اللي داخل يسرق مش هايدبح من الرقبه (الدبح الحلال) والقسيس ده راجل عجوز ومش عنده قوه هايقاوم الحرامي فا الحرامي لو كان فعلا حرامي كان اكتفي بضربه علي راسه مثلا باي اله حاده او كان طعنه في اي مكان بطريقه عشوائيه مره او مرتين وخلاص لكن مش هايدبحه زي خرفان العيد من رقبته
و ثم وجود الراجل في الشقه طبيعي انه أربك الحرامي و ماكنش الحرامي ركز اصلا وهو بيضربه وكان حاول يهرب منه بسرعه مش يقعد يطعن فيه 22 طعنه في الصدر بعد ما دبحه.دا غير ان شهود عيان اكدوا تجمع متشددين عند بيت القسيس وكانوا بيكبروا !! والكنيسه اصدرت بيان بتدين فيه صراحه الجماعات الاسلاميه بذبح الكاهن وانا سمعت الكلام ده في اتصال كان علي الانترنت .
ثم بناء علي اي معلومات الشرطه قالت انه سرقه ؟ هي نكته (مختل عقليا) خلاص اتحرقت فاغيروا التردد علي (قتل بدافع السرقه)؟
متهيالي المصريين كلــهم اذكي من كده بمراحل .
تحياتي

Ms Venus يقول...

اللى جوايا صعب اوصفه

علشان كده سامحونى مش هرد على تعليقاتكم


بونيتا

ربنا موجود وملناش غيره يدافع عننا

Boneta يقول...

لولا وزهراء
انا شوفت ان مش كفايه اعتذر لك في مدونتي لكن انا بعتذز لاي شخص اتضايق من تعليقي وانا مش بدافع عن نفسي لكن ربنا وحده هو اللي يعلم انا نفسيتي عامله ازاي انا نفسي مستغربه ازاي اوصل للمرحله دي من عدم التحكم في اعصابي وده ضد طبيعتي نهائي
لكن انا بعتذر وانا عملت دليت للتعليق وشكرا علي كلامك وزوقك يا لولا واتمني انك مش تكوني لسه مضايقه وان الكلام كان مش مقصود بيه اشخاص بعينهم علي قد ما انه كان تنفيس عن احساس بغضب وقهر من اللي بيحصل .
تحياتي

ابراهيم رزق يقول...

اولا تعازينا لانفسنا وليس لكى
اللى بات فى حضنى فى التحرير يعمل كده

لما كنا بنصلى فى التحرير كان اخواتنا كانو محوطنا بالجب و الازرع

الكنائس فى غياب الامن لم تمس

تحليل تيريز سليم مائة فى المائة

تجياتى والعزاء لنا