الخميس، يناير 13، 2011

هدووووء




لحظة هدووء

احتاج اليها بشدة

نحتاج اليها جميعا

توالت الأحداث سريعا


مؤلمة


موجعة


مرهقة


مرعبة


أنباء حزينة وقعت علينا وقوع الجبال


وأصبحنا لا نرى حولنا سوى الدموع


ولا نسمع سوى الصرخات


طفلة فقدت والدها هنا


وأم تبكى ولدها هناك


دماء وبكاء وعويل


هنا وهناك



قيل لنا بإن كل شىء مع الأيام يكبر

إلا الحزن


فهو يأخذ دورته بداخلنا


ويرحل


ولكن متى يرحل ؟


اليوم ؟


غدا ؟


أم سيسكن بداخلنا الى الأبد


ويتخذ من قلوبنا وطنا له



!

( تعبنـا يارب )

هناك 65 تعليقًا:

Casper يقول...

كل محنة هتعدي باذن الله
وندعو الله ان يفرج همومنا جميعا

mrmr يقول...

لا تحزنى عزيزتى
لان هذه مبتدأ الاوجاع
الرب قريب

Ramy يقول...

سيرحل يا فينوس

انا مش عارف

أقول ايه بس

فى اخر مرة كُنت فى الكنيسة

بعد الحوادث دى

أبونا قال

دى أشياء تقوينا

طبعاً أحنا كناس عادين لسه مش قادرين نحتمل

ربنا معانا كٌلنا

فلنقبل كل شيىء بأبتسامة

تذكريها

فهمانى

فاروق سحير ( فاروق بن النيل ) يقول...

Ms Venus
توكى على الله وارمى حمولك على الله سوف ترتاحى وإعلمى "أن ماأصابك لم يكن ليخطئك وماأخطأك لم يكن ليصيبك وأن النصر مع الصبر وأن مع العسر يسرا "
فأثبتى إبنتى ولاتجزعى ولاتقنطى من رحمة الله التى شملت كل البشر وأن الله خلقنا ولن يخذلنا أبدا فنحن عباده ليس لنا سند غيره ولا مجير غيرة ولارحمن رحيم غيره وهو الحنان المنان الذى بيده مقاليد كل شيئ وهو الغالب على أمره ولكن أكثر الناس لايعلمون حياكى الله إبنتى وصبرك وألهمك الثبات ووالهدوء واسكن سريرتك وأنزل الطمأنينة على قلبك وثبت وجدانك إنه واسع الرحمة عظيم المغفرة كامل العطاء سابغ النعم والرجاء مانح الحزن والشفاء والسعادة والشقاء والصحة والبلاء والقحط والنماء مالك الأرض والسماء

جايدا العزيزي يقول...

غاليتى

جميعنا يحتاج الى الهدوء

نحتاج احيانا الى وقفه مع النفس

ولكننا نحتاج ايضا المشاركه

اجمل ما فيك انك ذكرت الداء والدواء

نعم الحزن الوحيد الذى لا يدوم دائما يرحل

فلا يهم متى المهم انه سيرحل

وذلك من فضل الله ورحمته علينا

فتمتعى بالهدوء وتنفسر

تحياتى

وصف الاحساس يقول...

اكيد كلنا محتاجين الهدوء واننا نفكر من تاني
اكيد محتاجين نراجع نفسنا وندي نفسنا فرصه نفكر وازاي ما نخليش الحزن يسيطر علينا
لان الحزن مش بيجيب غير الحزن
ولا اعتراض علي قضاء الله
ربنا يغفر لهم ويرحمهم ويلهم اهلهم الصبر والسلوان
تحياتي

Lobna Ahmed Nour يقول...

الحزن سيرحل.. اسألي الله أن يجعله يرحل

سندباد يقول...

كل ما الامور بتسوء كل ما نلجأ الله اكتر
فلنلجأ الي الله وندعو علينا الدعاء وعلي الله الاجابة

richardCatheart يقول...

اه يا فيو تعبنا اوى كمان

ربنا قادر يزيح همومنا ان شاء الله

يارب يكون اللى جاى احسن

ربنا يهدى ليكى الحال ويكرمنا فى اللى جاى

ذو النون المصري يقول...

لسه وقت الراحة لم يات بعد فالقادم قد يكون اسوا

Desert cat يقول...

أتمنى انها تكون اخر الاحداث الموجعة والمرعبة والمؤلمة
تحياتى فينوسه

Tears يقول...

المشكلة ان دى مش ح تكون اخر الاحزان

اسفه انى بقول كده بس احسن نواجه الحقيقة بدل ما اجامل

احزان مصر مش بس بارهاب او تطرف لكن باهمال و فساد و افترا على الشعب فى الاقسام و بطالة و فقر و مرض و كوارث و كل شوية يحصلنا مصيبة و نفضل فى الدايرة دى طول ما احنا مستسلمين

يا نثور زى تونس

يا نهاجر

يا نموت بالاهمال او بالذل او بالافترا

rony يقول...

"افرحوا في الرب كل حين، وأقول أيضا افرحوا"

محتاجين سلام ربنا على الارض وفى قلوبنا
علشان نفرح ونحس بالهدوء

وسرّ الفرح
"ليكن حلمكم معروفًا عند جميع الناس،
الرب قريب"
"لا تهتمّوا بشيء،
بل في كل شيء بالصلاة والدعاء مع الشكر،
لتُعلم طلباتكم لدى الله

وفى الاخر ربنا قالنا ووعدنا "ثقوا انى قد غلبت العالم "

اله المحبه والسلام سيكون معنا
ربنا موجود

Unknown يقول...

كل شئ و له نهايه و ان شاء الله الحزن يزول
تحياتي لأجمل فينوس

سواح في ملك اللــــــــــــــــــه- يقول...

فينوس
نحن نتمسك بكي اختا
والمنا واحد
ومصابنا واحد
مصريين برضه وكلنا مصريين

مجرد حلم صغنتوت يقول...

ربنا سامع
والحزن هيروح
يمكن ياخد وقت
بس من رحمة ربنا انه بيمشي في الاخر

دمتي بخير يا princess

هبة فاروق يقول...

ان شاء الله تكون اخر الاحزان
دعواتى لكى بالهدوء وراحة البال
سلامى لكى يا اجمل فينوس

Carmen يقول...

هنفضل نقول الحمدلله لاخر نفس في صدرنا
ربنا يلهمك الراحة والهدوء حبيبتي

Tamer Nabil Moussa يقول...

مهما كانت الاحزان

بعد وقت ما تزول وتذهب بلا رجعة


وربنا يبعد عنا جميعا الهم والحزن


مع خالص تحياتى

mony يقول...

معاك حق يافينوس
بس مفروض دى ايام جميله اتولد فيها ملك السلام..
وهو اللى هيدينا السلام ..
اطلبى منه لانه قال (اطلبوا تجدوا)
بس لازم الحاجات دى تحصل لانه قال (فى العالم سيكون لكم ضيق ولكن ثقوا.انا قد غلبت العالم)

عطش الصبار يقول...

بالعكس يا فينوس
يولد الحزن صغيرا ويكبر ويظل يكبر حولنا فيسد منافذ الحياه
ويسكن قلوبنا ولا يرحل
ادعوالله لك ان يرحل الحزن عن قلبك
تحياتى

IMSA يقول...

فينوس :
اللجوء إلى الله في المواقف الصعبة سمة المؤمن الحقيقي أيا كانت ديانته
اسمحي لي أن أحييكي على إيمانك
لا تحزني فالله دائما مع عباده وقريب لهم ..
//
إن شاء الله تزول الغمة على خير
تقبلي ردي ومروري

Humman being يقول...

ربنا يرحمنا كلنا يا فينوس برحمته... الوجع وجعنا كلنا ربنا يساعدنا ونخرج من اللى احنا فيه ده يارب

♥نبع الغرام♥♪≈ يقول...

ربنا يرفع عنا البلاء حبيبتى
كلنا بنقول ياااااااااااااااااااااااااااااارب

همزة يقول...

هونيها تهون كله على الله

الشاعر الفنان أحمد فتحى فؤاد يقول...

اختي فينوس

أبدا لا تحزني

نحن معا نسيج هذا الوطن

نحن أخوة و اصدقا منذ سنوات كثيرة لا تحصي

الحزن راحل راحل

أبدا لا يبقي الحزن في مدن الخير و الحب

نحن معا في قارب واحد

تحياتي و تقديري

(حلـم) يقول...

الحزن فصوله كامنةفينا


ومن


مسيرتنا تحضر مواسمه


فتحضرنا بحضور مدهش

الثابت ان الثابت في الكون الحياة الانسان هو المتغير


فلايوجد حزن للابد


ولكن يوجد فرح دوما


فالحزن من تكويننا


ولوووو لم نجدة لاخترعناة



لانة بوررررر قوة الفرح تكمن فية



بحران بينهما برزخ


لكن يلتقيان


اتمني لقلبك



ان يشتعل دوما بجذوة الفرح



اتمنى ان يكون مصباح الفرح


لانك تستحقين


دام اهلك بخير

السلام للجميع

momken يقول...

هيرحل لازم يرحل
احنا اطيب من ان يحصلنا كده
او يمكن ده قدر الطيبون
او يمكن لان الحزن جبان مبيقدرش الا على الطيبين

بس انا متاكد انه هيرحل فى النهايه

ربنا يعدى الايام دى على خير

تحياتى

صيدلانيه طالعه نازله يقول...

كلنا جوانا حزن
كلنا يسكننا الوجع
بس انا عندى يقين ان كلما اشتد الحزن و استحكم
كلما كان الفرج اقرب الينا واسرع
ربنا يجعل فرج الهموم قريب جدا

Ms Venus يقول...

كاسبر

ان شاء الله تعدى

Ms Venus يقول...

مرمر


معاكى حق

ربنا اكيد قريب

Ms Venus يقول...

رامى

ايوة فهماك


ربنا موجود ومسيرها تنتهى

Ms Venus يقول...

استاذ فاروق

كلنا اكيد سايبين همونا على ربنا


هو اللى قادر يزيح الهموم

Ms Venus يقول...

جايدا


اكيد الحزن هيمر ويعدى

Ms Venus يقول...

وصف


معاكى حق يا وصف

وربنا يرحمهم ويرحمنا كلنا

Ms Venus يقول...

لبنى


بدعى ربنا صدقينى

لانى تعبت وكلنا تعبنا

Ms Venus يقول...

سندباد


ايوة صح

كل ما بنتعب مش بنلاقى غير ربنا نلجأ له

Ms Venus يقول...

ماروو


نفسى الايام تعدى على خير

حقيقى مبقاش فينا حيل

Ms Venus يقول...

ذو النون المصرى


وهيكون فى ايه اسوء من دم الابرياء اللى لون الارض

Ms Venus يقول...

قطة

صدقينى نفسى فى كده يا حنان

Ms Venus يقول...

تيرز


آآآآه من كلامك

بيوجع بس حقيقى للأسف حقيقى


ربنا يرحمنا

Ms Venus يقول...

رونى


ايوة بجد

محتاجين سلام اله السلام والمحبة

محتاجينه اوى

Ms Venus يقول...

شيرين


ياريت ينتهى يا شيرين بجد

Ms Venus يقول...

سواح


ربنا موجود وهو وحده اللى قادر يحمى الشعب ده

Ms Venus يقول...

حلم صغنتوت


طبعا ربن سامع ووحده اللى قادر يبعد الحزن

Ms Venus يقول...

هبة

ياريت يا هبة

لاننا خلاص تعبنا كلنا

Ms Venus يقول...

كارمن

الحمد لله دايما فى كل حال

Ms Venus يقول...

تامر


يارب بجد

يبعد عننا كلنا الحزن

Ms Venus يقول...

مونى


عارفة ان الكتاب قايل لنا كل ده

والهنا غلب العالم


وهو وحده القادر انه يهب السلام لقلوبنا

Ms Venus يقول...

عطش الصبار


ربنا يبعد الحزن عننا كلنا

Ms Venus يقول...

IMSA

دايما ملناش غير ربنا

هو قادر يملى حياتنا هدوء وسلام

Ms Venus يقول...

شيماء


كلنا تعبنا وكلنا بنقول يارب

Ms Venus يقول...

نبع الغرام


كلنا بنقول ياارب بجد

Ms Venus يقول...

تايه


ربنا قادر يهونها علينا كلنا

Ms Venus يقول...

استاذ احمد


كلنا تعبنا

بس ربنا موجود

Ms Venus يقول...

حلم

صدقت

ولا الحزن بيدوم ولا الفرح بيدوم

Ms Venus يقول...

ممكن


بقول معاك ومن قلبى بجد

ربنا يعدى الايام بخير

إبن بهية يقول...

ربنا يوفقك ..
تحياتي

Ms Venus يقول...

صيدلانية طالعة نازلة

معاكى حق فعلا

Ms Venus يقول...

ابن بهية

شكرا ليك وربنا يوفقك انت كمان

همسات وبحــ الحياه ــر يقول...

فينوس
واحشاانى كتير يامقرايه معلش مقصره معاكى
بس كنت فى امتحانات حبيبتى

كل ماالليل يشتد قتامه دا معناه ان الفجر هييجى والنور هيشقشق من تانى
لاتفقدى الامل ولاتبتعدى عن سؤال حاجاتك من الله

تحياااتى

فشكووول يقول...

السلام عليكم
تحياتى
واضح ان فيه مشكله عندنا
الدنيا كلها بتتكلم عن الظلمه وعن الليل وعن الفجر اللى قرب يطلع
بس الودن من طين والتانيه من عجين
ولا حد واخد باله من الهم والكرب اللى احنا فيه
فيه ناس كتير متفائله .. وناس بتقول الفجر قارب على الطلوع
بس انا مش متفائل لان اللى حيروح بعفانته وبطانته حييجى زيه بعفانه وبطانه جديده
ليه ؟ لان الارض ما اتمهدتش جويس وكله زرع شيطانى وليس زرع مدروس ومفعول
تحياتى

محمد التركى يقول...

يخبر اسود ومنيل
انا باينى كده جالى زهايمر بجد ولا ايه
انا بحسب نفسى علقت قبل كده على البوست ده لانى شفته من كام يوم ادخل الاقى نفسى مش موجود
بجد انا اسف قوووى سامحينى يافينوس

ربنا يارب يصلح الحال ويبعد عننا الحزن والحوادث
ويحرس البلد دى مسحيين ومسلمين شعب واحد
يارب
انا مستنى البوست الجديد وهكون اول واحد يعلق بأذن الله

تقبلى تحياتى لشخصك الطيب

محمد التركى

~ISLAM~ يقول...

فينوس

كلامك مؤثر جدا

ربنا اللى عالم بحالنا فعلا

كلنا مجهدين والدنيا بتهلكنا اكتر

اتمنى انك متزعليش نفسك

وافتكرى ان دايما فيه امل

بس احنا منيأسش من حياتنا

Unknown يقول...

رائعه
تقبلي مروري