الأربعاء، مارس 24، 2010

هى .. حالة



وحيدة .. هى

تتجول بين الوجوه


كالتائهة

لا تعلم عن ماذا تبحث


عيناها تنظر اليهم فى شرود

تسمعهم

يتحدثون

ويضحكون


ولكنها لا تعى ما يقولون


يأتيها الليل سريعا


فتختبىء داخل غرفتها

و

يحيطها الظلام


من كل جانب

يغلف الصمت المكان

لا تسمع الا صوت انفاسها

الباردة

تغمض عينيها


كى تستنجد بالنوم


عله ينقذها


ولكن ..هيهات

فقد تخلى هو ايضا عنها

وتركها


وحيـدة ....


24/03/2010

هناك 55 تعليقًا:

just waiting يقول...

اووووووووووول تعليق
هييييييييييييييييه
انا قرأت البوست بسرعه بس جميل جدا هقرأه تاني واقولك بقى رأي

just waiting يقول...

فقد تخلى هو ايضا عنها
وتركها

وحيـدة ...

لقد وصفتي حالة انا ايضا كثيرا ما امر بيها

لكن فعلا كما قلتي هي حالة ستمر سريعا ان شاء الله
ولكن حاولي ان تندمجي مع من حولك
حاولي ان تشاركيهم في اي شئ ولا تتركي نفسك لتك الاحاسيس

تحياتي ليكي

Tears يقول...

الحالة دى حقيقية و احيانا بتحصلنا لما بيبقى فيه صدمة كبيرة او شىء محزن كان غير متوقع على الاطلاق بس عارفه لما الحاجة بتبقى مفجعه من كتر اجهاد العقل الواحد بينام و بينام كتير انما مش نوم صحى و لا باحلام انما نوم كانه مقتول

غير معرف يقول...

لو دورت كويس

هتلاقى فى ناس حواليها عشانها هى مش الظروف اللى خلتهم حواليها

mahmoud يقول...

هي مش حالة هم حالة كلنا مثل هذة الحالة في اغلب الوقت نفقد احساسنا بالعالم ونتوة بداخل انفسنا واحيانا ايضا لانجدها
تحياتي لحسن وصفك لما يدور بالنفس البشرية العجيبة

عطش الصبار يقول...

احيانا الوحده ممكن تبقى اختيار
لما نحتاج نراجع نفسنا ونحاسبها
تحياتى

مهموهة أحمد يقول...

الله الله بجد حلوة أوي
فعلا شعور الوحدة ده شعور أليم أوي
و بيوجع في القلب بجد

و خصوصا لما حتى تحاولي ترتاحي لكن مش عارفة ترتاحي و لا تنامي

ربنا ما يكتب على حد الوحدة يا رب

و بجد بجد أبدعتي يا فينوس
حروف و كلمات غاية في الجمال

ربنا يوفقك يا رب

خالص حبي و تقديري

richardCatheart يقول...

ليه كده بس يافيو دى حاله جامده اوىىىى

لما بتيجى الواحد بيحس بتقل فى قلبه وزهق فى صدره انت وصفتيها صح الله ينور


وديما لما بتيجى بفضل اقول جمله وحده لنزار غناها كظومه

حتى حبوب النوم تعودت مثلى على الصحو فلا تنام

تسلمى يا فيو تقبلى مرورى

فشكووول يقول...

ازيك يا فينوس

ساعات بتحصل يا فينوس ..ساعات ومن غير مناسبه تلاقى نفسك فى حالة اكتئاب من غير سبب ومن غير ما تكونى عارفه ليه .. وساعات برضه تلاقى نفسك عندك شعور حيادى نحو كل شيئ لا انت فرحانه ولا انت زعلانه ولا حتى مشمئنطه .. انا بسميه شعور حيادى .. وكل دا تلاقيه من غير سبب.

وساعات بقى ودا المهم تكونى عارفه السبب وعايزه تهربى منه .. ودا الحل الوحيد عليكى انت .. يا تتجاهليه يا اما بقى انت حره.

تحياتى

لــــ زهــــــراء ــــولا يقول...

فينوووس

انتى عارفه انها حاله للبنات فقط او للاناث فقط يعنى صعب جدا تجدى رجل يمر بهذه الحاله ...

المشاعر عاليه فيها اوى
على فكره الحاله دى فيها نوع من الوحده و التوهان
اتمنى لكى الفرح والسعاده

زهراء

لــــ زهــــــراء ــــولا يقول...

جميل العنوان هي ..حالة ..مجرد حالة ..بس مشاعرها عالية ..تسلمِ

لـــولا

هموس يقول...

فينوس

وصفت فأبلغت ,,, فمن منا لم يعش مثل هذه الحالة؟ زمن منا لم تقتله الوحدة رغم أنه محاط بكثير من بشر؟
غربة النفس حين يهجرنا من نحب ويتركنا نعاني وحدة وغربة,,,

تحياتي لكلماتك

(حلـم) يقول...

(وحيدة)


تية



لا تعي ما......


(تستجدي النوم)



فتركها


(وحيدة)


لاتسمع


الا صوت انفاسها الباردة

الحتة دي مستني اوىىىىىىىىىىىىىىىىىىى



الخلوةةةةةةةةةة مطلوبة

(اذا اردت ان تعرف من حولك او تعرف الناس عامة يجب ان تنفرد بنفسك)


اتمنى ان السيدة الرائعة فينس كانت وحدتها لهذا السبب لتخطوا خطوة جديديدة قوية في طريق اخر

هيا خطي على هذا السطر هذا اصراط

ان هذا القدم ابدا لايمكن ان يسير الا نحو الشمس


تقدمي فوق الجراح


ان الالام لانشفى منها الا عندما ندوس عليها..

هيا سيري والرب يرعاكي يا وفاء


الاحساس النقي


اسعد هنا


اشكرك

جميله المصرى يقول...

عندك حق

هى حاله ساعات بنعشها

بتكون جوانا وحولينا بنكون ليها اسرى

بنحس بالوحده ومبنسمعشى غير اصوات احزنا متهيقلى فى اللحظه دى بنكون محتاجين ناس مقربين لينا يقفوا جنبنا

تسلم ايدك يافينوس ياقمر

اختك جميله

رقة الندى يقول...

طب شوفى اختك مختفيه عنك بقالها قد ايه
كنت تعبانه اوى بس الحمد لله
خرجت اهو من الحاله الغلسه دى هههههههههه
جميله انتى دايما يافينوس
ربنا يسعد قلبك حبيبتى
وحشاااااااانى اوى بجد

حياه بلا عنوان يقول...

السلام عليكم
جميل قوى الكلمات
سعات كتير الانسان بيتخله عن الشخص اللى بيكون اقرب واحد ليه بسبب اسباب تفهه وبيظون ان ده الصح لكن مفيش تفكير صح لان اللى بيحب حد ميحبش يتركه وحيد بلعكس المفروض يكون جمب الواحد لانه ممكن يكون بيمر بحاله مش حلوه لكن ده مش موجود دلوقتى فى حب اليومين دلو بحيكى على الكلمات
تحياتى

FREEDOM يقول...

فينوس ...

لا يمتلكنى اى كلمات للتعبير عما تكتبيه

غير انها كلمات تصف ( حاله ) كلمات تنبعث

بصدق واحساس بشىء من الترتيب والاتقان

والتسلسل وهذا يجعلها نافذه الينا

حتى نشعر ان من يكتبها ليس انتى بل نحن



تحياتى لكي ومزيد من التوفيق

والكتابات التى تسعدنا دائما وتشعرنا

بمن يشاركنا ويستطيع ان يعبر عنا

فكرة من الزمن ده يقول...

جميل الاحساس عيشتيني فيه بكلامك
لاني عشته وكتبته فعلا قبل كده
ودايما لما بنمر بيها
بنكون عايشين حالة شجن غريبة
تحياتي ليكي ولحالة الشجن الجميلة

أحمد الصعيدي يقول...

هو بكل تأكيد وفاة اكلينيكية للعشق

كلماتك مؤثرة

فشكووول يقول...

يا فينوس يعنى لازم تضحكينى اليومين دول وانا عندى حالة اكتئاب ومبسوط بيها على الاخر تقومى انتى تطلعينى منها وتضحكينى كده

Ms Venus يقول...

Just waiting

أتمنى انها تمر فعلا

نورتينى بمرورك الجميل

تحية ليكى عزيزتى

Ms Venus يقول...

تيرز


صح معاكى حق بس صدقينى اوقات كتير حتى النوم بيعاند

نورتينى بمرورك الجميل

تحية ليكى

Ms Venus يقول...

سمية

يمكن فى ناس حواليها لكن مش حاسة بيهم


نورتينى حبيبتى

سلامى لعيونك

Ms Venus يقول...

محمود


زى ما قولت فعلا


بنتوه جوة نفسنا


بيسعدنى دايما وجودك


تحية واحترام ليك

Ms Venus يقول...

عطش الصبار


صحيح اوقات بتكون اختيار


بس اوقات كتير بردو بتبقى غصب عننا


تحية واحترام

Ms Venus يقول...

الوفية للأبد


احساس صعب وقاسى جدا


ربنا يبعده عن الكل يارب


نورتينى بمرورك الجميل يا مها


تحية لعيونك حبيبتى

Ms Venus يقول...

richardCatheart


حتى حبوب النوم تعودت مثلى على الصحو فلا تنام


جملة صح جدا جدا


تسلمى يا رب على مرورك الجميل اللى دايما بيسعدنى

وردة ليكى

Ms Venus يقول...

فشكوول


انت ازيك يا عمو عاش من شافك

كلامك صح فعلا

جايز يكون هروب

مش عارفة


سعيدة جدا بمرورك ده

تحية ليك

Ms Venus يقول...

زهراء

اوى موافقاكى فعلا انك صعب تلاقى ادم يمر بالحالة دى

اسعدنى وجودك حبيبتى

وربنا معاكى دايما


وردة لعيونك

Ms Venus يقول...

لولا


اسعدنى وجودك عزيزتى


تحية واحترام ليكى

Ms Venus يقول...

هموس


صدقتى

وحدة رغم وجود ناس كتير حولنا


اسعدنى وجودك الجميل عزيزتى

تحية وباقة ورد

Ms Venus يقول...

حلم


ان الالام لانشفى منها الا عندما ندوس عليها..


كلمات صحيحة جدا

ولكن كيف ؟؟


تحية واحترام ليك ولمرورك الراقى

Ms Venus يقول...

جميلة


ايوة محتاجين الناس القريبين مننا لكن للأسف


مش بنلاقيهم ! ؟


وجودك الرقيق اسعدنى كتير


تحية ليكى عزيزتى

Ms Venus يقول...

رقة الندى


سلامتك يا ارق نوجا

ربنا يريح بالك دايما

سعيدة جدا بوجودك حبيبتى


سلامى لعيونك

Ms Venus يقول...

حياه بلا عنوان


اسباب البعد والفراق كتيرة


لكن اللى بيتعب اوى انها تكون خارج ارادتنا


اسعدنى وجودك عزيزتى

اهلا بكِ دائما

تحية واحترام

Ms Venus يقول...

فريدوم


ميرسى يا محمد لكلامك


نورتنى


تحية ليك

Ms Venus يقول...

فكرة

احساس قاسى لكن للأسف متضطرين نتعايش معاه


اسعدنى جدا وجودك عزيزتى


تحية ليكى

Ms Venus يقول...

احمد الصعيدى


وفاة ؟!


صدقنى لو وفاة مش هيبقى فى ألم او تعب

اعتقد انه العكس


اسعدنى وجودك ومرورك جدا واتمنى يتكرر

تحية ليك

Ms Venus يقول...

عمو فشكوول


ما هو هم يبكى وهم يضحك

وبعدين مش انت اللى قولت سقفوا وهيصوا ؟

وانا بسمع الكلام هههه

ghada mOhsen يقول...

أنا الحاله دى بالضبط حسيتها من فتره قريبه ... بجد بتقى صعبه كتير

بس الحمدلله طول مافي إراده وعزيمه وحب للنفس وللحواليكي .. يبقى كل ده راح يمر بسهوله ...

تسلمي على إحاسك الأكثر من رائع ..
بجد مش مجامله

تحياتي ...
... ;) ,,, ;) ...

Ms Venus يقول...

غادة


ميرسى لكلامك الجميل وتشجيعك الرقيق


ربنا يسعد ايامك كلها عزيزتى


وردة لعيونك

القمرالباكي يقول...

السلام عليكم
اهي الحاله دي بتجيلي بجد شاطره
انك كتباها بالاسلوب ده
انا سعيده بزيارتك لمدونتي واسعد بزيارتي لك وبّن الله التواصل
دومتي بخير

Ms Venus يقول...

القمر الباكى

اهلا بيكى عزيزتى نورتى المدونة

اشكرك على كلامك

تحية واحترام ليكى

إمرأه من ثلج يقول...

أزيك حبيبتى

حتى أنتى كمان النوم أتخلى عنك

فية لحظات بنحتاج النوم علشان بنقذنا من الحزن والاكتئاب الى أحنا فية

لكن بيخذلنا ويسبنا نعانى مع الاحزان

بجد بكون سعيدة بوجودك الدائم فى مدونتى

Ms Venus يقول...

امرأة من ثلج


ميرسى يا فاطمة على كلامك

وانا اللى بفرح اكتر بوجودك هنا

تحية ليكى حبيبتى

Desert cat يقول...

وحدة وغربة عن الذات جميل التعبير لكن اللحظة دى نفسها بكرهها لانى غالبا بعيشها على فترات متقاربة جدا
تحياتى فينوسه

ســـهــــر يقول...

الله عليكى الله
كلامك جميل ومرتب
اسعدنى المرور فى مدونتك يا قمر

Ms Venus يقول...

قطة


نورتينى بمرورك الجميل يا احلى قطة


فعلا هى لحظة قاسية جدا جدا

ربنا يبعدها عنك يارب

تحية لعيونك

Ms Venus يقول...

سهر


اهلا بيكى عزيزتى


نورتى المدونة بمرورك الرقيق


تحية ليكى واتمنى دايما وجودك

Ahmed MeTalliCa يقول...

الوحده احسن اختيار للتعديل

و التفكير من جديد

و رد فعل سريع لأى شخص عاقل انه يراجع اموره بشكل سريع بدل الشكوى و المشوره و اختلاف وجهات النظر اللى بتضيع وقت كبير

مدونه جميله جدا و اسلوب اجمل :)
تحياتى

NeVeN يقول...

حالة صعبة اوى
الحياة باحساس مغلف بالصمت او عدم القدرة على الكلام
عجبنى اوى الجزء دة
حى تستنجد بالنوم لكن ممكن النوم اللى بتستنجد بيه ييجى وبين اوراق احلامه ما يخيفها ويفقدها الامان


بوست حلو اوى


مساءك كراميل

Maha Shahen يقول...

يمكن يكون دا شعور بالوحده
هو الشعور المرير اللي بيخطفنا من كل اللي حوالينا علشان يحبسنا داخل قوقعه الجسم البشرى ويعجز الكلام وتتبلد المشاعر الا شىء وحيد وهو أفتقاد الحب فحين يدق الحب من جديد بالباب تندفع كل المشاعر لتنير الطريق للأحباب وتختفى الوحده نهائيا

كتبتى فأبدعتى خالص تحياتى واحترامى

Ms Venus يقول...

Ahmed MeTalliCa


معاك حق كتير

الوحدة اوقات بتبقى فرصة للتفكير بعيد عن اى ضغوط خارجية

اسعدنى مرورك واتمنى يتكرر دائما

تحية واحترام

Ms Venus يقول...

نيفين


الاحلى اكيد وجودك الرقيق

اسعدتينى كتير بمرورك عزيزتى

اهلا بيكى دائما

وردة لعيونك

Ms Venus يقول...

nour shahen


ربما تكون المشاعر احيانا هى سبب الوحدة

اسعدنى مرورك الرقيق عزيزتى

اهلا بكِ دائما

دمتى سالمة