لما فاض بيا ولقيت نفسى خلاص بقى عاوزة اصرخ واقول كفاية يا ناس
كفاية يا بشر
كفاية يا انسان
كفاية قلة ضمير
كفاية تبرير للغلط
كفاية نلاقى الف عذر لأفكارنا الغلط
وتصرفاتنا الغلط
فين ضميرك يا انسان ؟
هو للدرجة دى بقى صعب نشوف الانسان على انه انسان وبس ؟
اتعامل معاه على انه انسان وبس ؟
احترمه علشان يحترمنى
اخاف عليه زى ما بخاف على نفسى
مالى انا بدينه ؟
مالى انا بفكره ؟
يعنى علشان هو مختلف عنى فى دينه وفكره اكرهه ؟
يعنى علشان هو فكره غير فكرى يبقى مالوش حق ؟
ليه فى ناس رافضة تحس بمعاناه غيرها ؟
ليه فى ناس بتغمض عنيها وتخدر ضميرها ؟
انا انسان
وهو انسان
حقى زى حقه
دمى زى دمه
ألمى زى ألمه
من حقى اعيش فى امان
ومن حقه يعيش فى امان
من حقى اختار فكرى
ومن حقه يختار فكره
ما احنا لو رحمنا نفسا
اكيد اكيد ربنا هيرحمنا
ليه مبيحصلش ده ليه ؟؟
\
/
فينكم يا اصحاب العقوول ؟
11/02/2010
11/02/2010
هناك 26 تعليقًا:
اممممممممم مين قال كده,,
انتى مسمعتيش منير وهو بيقول:
لا يهمني اسمك لا يهمني عنوانك,,
لا يهمني لونك ولا ولادك ومكانك
يهمني الانسان ولو ما لوش عنوان
طبعا كلام كويس جدا ... لكن كلنا فى الحياه أصحاب مهما إختلفت الأفكار أو طريقة التفكير ... أو أيدلوجياتنا
دى الحقيقة
دمتى بخير
الشعب لابد له من حكومة تشكمه
نفسى الاغانى تتحول لحقيقة تتعاش
مش تتسمع وبس
نورتينى يا قمر
استاذ احمد
اولا بشكرك على كلامك
وربنا يوفقك فى حياتك دايما
انا معاك انها حقيقة
بس مش كتير للأسف
بتسعدنى دايما زيارتك
السلام عليكم ورحمه الله وبركاته
طبعا البوست جميل قوى
تعرفى امبارح بالصدفه بسمع برنامج فى اذاعه لقيت فيها انسانه بعته بتقول ايه ماما عوزانى ابعد عن صحبتى علشان انا فى جامعه وهى وقفت عند الدبلوم
استغربت قوى ان فى عقليه بتتكلم بالشكل ده يعنى الدبلوم دى مش بتعرف تقراء وتكتب وبتفهم جايز تكون هى بتفهم اكتر من اللى فى الجامعه انا استغربت ان ولدتها قالت كده دى بيكون تفكير غريب معنى كده اننا لازم نحدد اصدقائنا من مفهوم ان دى دبلوم يبقا تصاحب اللى معهادبلوم بس والجمعات تصادق الجمعات بس ازاى دى فكره غلط جدا جدا سبحان الله لسه هنشوف كمان وكمان الحمدلله على كل شىء
تحياتى
الناس اتغيرت كتير واصحاب الدين الواحد واللغة الواحد اصبحون لايتسحملون بعضهم البعض ما بالك بما هم مختلفين عنهم
والتغير دة دخل على الناس واثر فيهم من ظروف حياة ومتقلبات كثيرة فى هذا الزمن
ولكن نقول لسة فى الخير والتفكير الصحيح لبعض الناس التى مازالت تتعامل مع الاخرين بطريقة انسانية
مع خالص تحياتى
كنت قريت شعر قبل كدا بيقول
من اى بقاع الارض جأت
فى سمره النيل ام فى بياض التلج
ام فى لون الشمس وقت الاصيل
موش فاكره الباقى بس كان بيتكلم عن اخى الانسان
وانه موش يهمه لالون ولادين ولاشكل ولابلد هو اخى الانسان
لازم احترمه واقدره
بس تعالى هنا وقوليلى ياست العاقلين مين اللى اثار حفيظتك (حلوه دى)وخلاك تكتبى وانتى مضايقه وحاساكى وعاوزه تتخانقى معاه
هابى فالنتين داى
مساكى شيكولاته
الاصل اننا كلنا واحد وما فيش اي فرق بين اي انسان والتاني الا ما كسب ودة في جميع الاديان
بس ممكن قيل نلاحظ اي مصيبة او مشكلة بتكون من صنع الانسان عامة هو اللي بيفرق وهو اللي بيحط القيود والعراقيل لانة غرورة بياخدة لبعيد ويتصور نفسة مفيش في الكون غيرة وانه قيصر ودة عامه اما في مجتمعنا ثقافه الراي والراي الاخر مش موجودة نتيجة لعوامل كتييير قوي منهاالانا المنتشرة ومنها الكبرياء الفاضي قبيشوف الباقيين ولا حاجة بيشوفهم من فوق بوجه نظرة ولو نزل لتحت هايشوفهم كويس ويشوق نقسة برضه ويعرف انهم احسن بكتيير وانه ولا حاجة.
تحياتي
اصحاب العقول فى راحه
تحياتى
فينوس يا قمر عندك حق في كلامك
اختلاف التفكير او الدين المفروض انه ما يفرقش في طريقه تعاملنا مع حد كلنا بشر وكل واحد حر في طريقه تفكيره
بس مين يفهم يا حبيبتى قليلين جدا الي بيفكروا كده
مع خالص حبي وتقديري ياقمر
عشان دى اول زيارة موش هعلق عالموضوع
انا بس هسلم
وتقبلو مرورى
بجد انا قرفت كفانا هنصريه تجاه بعضنا البعض
زهقت بجد هوا احنا ليه مركزيين مع بعض اوى كده
هوا احنا ليه ممكن نتعامل مع اى اجنبى مش مؤمن باى شىء من الاساس كويس
لكن مع بعضنا البعض نتعامل وحش
مش فاهم ايه الانفصام اللى بنعانيه دا
هوا احنا ليه مش بيبقى عندنا دين وبنعمل كل حاجه غلط و لا عارفيين حاجه وتلاقى فيه تشدد بغباء تجاه اى حد مختلف عنك لمجرد انه مش شبهك
عزيزتى لنا الله
مش كل الناس بيفكروا بالطريقه دى
بستغرب اوى لما زمايلى فى الشغل
اول سؤال بيتسال عن جريمه او قتل او ممثله اغراء مثلا ..هو مسلم وللا مسيحى؟
...انسان...قتل او سرق او خلافه
فعلا كلام جميل ومعبر عن وقت داخل زمن نمر به حاليا وبرغم حيرة بعضنا او اغلبنا عن ما نصادفه سواء مسلمين او مسيحين اسوياء .
(ولابد من نطق كلمة اسوياء وليس عقلاء فقط ).
لأن الاسوياء هم من يقتنعون بأن الأخر موجود أما العقلاء فأنهم يقتنعون بأنهم موجودون
مشكلتنا اننا اتربينا غلط.. اتربينا على سياسة الاقصاء والثنائيات الاهلى والزمالك الحكومة والمعارضة المسلم والمسيحي السني والشيعي الارثوذوكسي والكاثلويكي...لا يكرهك الا اللي أضعف منك...كلما ذادت قوتك وثقتك في النفس حبيت غريمك.. كلما ذدت ضعف أمتلأت حقد على الاخر.. ودي مشكلتنا الان الضعف والهوان في كل حاجة .. رياضة سياسة وللاسف الدين اللي تحول الى حاجة شكلية مش جوهرية...أحسنتي كلام جميل بس تقول لميين بقى.. الكترة تغلب الشجاعة
حياه بلا عنوان
للأسف العقليات دى موجودة كتير اوى
سىء مؤسف ومحزن
شكرا ليكى ونورتينى يا قمر
تامر
معاك حق فعلا
ولما بفكر كده بينى وبين نفسى بفضل اسأل واقول طب ليه ؟
نورتنى واسعدنى وجودك
سكرة
منورانى يا احلى سكرة
ومش تاخدى فى بالك اصل الناس اللى بتجيب الضغط كتير اووووووووى
وجميلة اثار حفيظتى دى ههههههههههههه
عسولة زيك
منورة دايما يا قمر
مستر عزت
كلامك صح جدا
بس صدقنى مش عارفة ازاى تتحل المشكلة دى ؟
ربنا يصلح الحال يارب
منورنى دايما وسعيدة بوجودك
لاسع افندى
صح معاك حق اصحاب العقول والضمائر كمان فى راحة
اسعدتنى زيارتك الاولى واتمنى تتكرر
تحية ليك
اميرة الاحلام
منورانى دايما يا ارق اميرة
والمفروض فعلا انها متفرقش بس تقولى لمين ؟
مين يسمع ؟
تحية لعيونك يا قمر
اللى مش عارف تتغير
نورتنى وشرفتنى فى اول زيارة واتمنى تتكرر
تحية واحترام
رحلة البحث
قولت احلى كلمة لنا الله
فعلا لنا الله
وربنا يهدى ويصلح الاحوال يارب
اسعدتنى جدا زيارتك الاولى واتمنى تتكرر
تحية واحترام ليك
مونى
انساان ايوة انساان
انسان وبس
بس هنعمل ايه ونقول لمين ؟
ونجيب ضمائر وعقول بتفكر صح منين ؟
منورانى دايما تحيتى ومودتى ليكى
فريدوم
اسوياء او عقلاء
مفرقتش جديد
المهم هما فين ؟
نورتنى
تراكيب
صحيح
انت قولت سبب مهم جدا وهو التربية والتنشئة الغلط
بس تفتكر الحل يجى منين وازاى ؟
وايه دورنا احنا ؟
اسعدتنى زيارتك الاولى وتشريفك لمدونتى المتواضعة
اتمنى تتكرر الزيارة
تحية واحترام ليك
إرسال تعليق